Mamallakta Tantanakuyta pushak, Guadalupe Llori Abarca, kay 26 puncha aymuray killami, Consejo de Administración Legislativa wankuripak 032- 2022 niki rimanakuyta kallarichirka, rimanakuypika kay wankuripi ishkay llankakunata huchachishkatami riksinkakuna, shinallatak kamachi killkakkuna chayachishka kamachi ruranapak tawka kamukunatami akllarkakuna.
Chusku ari apushitaywanmi, CAL wankurika Jhajaira Urresta kamachi killkak, Mamallakta Tantanakuypak ishkayniki kipa pushak, Yeseña Guamaní Vásquez, kamachi killak, mana pakta llankashka nishpa huchachirka.
Shuktakpika, kimsa ari apushitaywan shinallatak ishkay mana apushitaywanmi Eitel Zambrano kamachi killkak Mamallakta Tantanakuypak shukniki kipapushak, Virgilio Saquicela, mana pakta llankashka nishpa huchachishkata mana akllarkakunachu.
Kay ishkay mañashkapika, huchachishka kamachi killkakkuna (Yeseña Guamaní shinallatak Virgilio Saquicela), apushitaypi mana kimirikakunachu, kay LOFL kamachiypak kimsa millka, 142 niki killkapi rikuchishkata katishpa.
Puchukaypika, 6 ari apushitaywanmi, shuk kutintak, kay rimanakuypi riksinapak churashka 17 kamachi rurana killka kamukunata akllarkakuna. Kay kamachi rurana killkakunaka, hampinamanta, yachanamanta, chiyanyashpa pushanamanta, kamaymanta, mamakamachiyta rikuranamanta, llakikuna pushanamanta, kashiklla kawsanamanta, wawakuna imallakunamantapashmi rikun; shinallatak kay kamachi ruranapak akllashka killkakunataka Garantías Constitucionales, Gobiernos Autónomos, Educación, Soberanía y Seguridad Integral, Soberanía Alimentaria, Transparencia, Derecho al Trabajo, shinallatak Justicia y Estructura del Estado Minkarishakunamanmi chayachinka, paykuna killkata allichishpa kallarichunkuna.
Puncha llankanapak churashka puchukashka kipami, Mamallakta Tantanakuyta pushakka rimanakuyta wichkarka.
EG/pv/cg-k
