Mamallakta Tantanakuy, 81 ari shinallatak shuk yurakpi apushitaywanmi, abogada Guadalupe Llori Abarca kamachi killkakta pushaymanta llukshichirkakuna, llankaypi mana pakta kashkamanta, kay Comisión Pluripartidista Ad Hoc Minkarishka shuk llankaywillaypi riksichishkawanmi Esteban Torres Cobo kamachi killkak tukuy imamanta huchachishkata riksichirka, kay Ley Orgánica de la Función Legislativa (LOFL) kamachiypak 18 niki, 4 yupay killkapi rikuchishkata katishpa paktarirka.
Chay kipaka, 16 niki killkapi kimirishpa, Virgilio Saquicela kamachi killkakka Mamallakta Tantanakuyta mushuk pushakshina llankay kallarirka. Llankay kallari sumaychaytaka Darwin Pereira kamachi killkak, Consejo de Administración Legislativa (CAL) wankuripi shukniki rimarikmi chaskirka.
Llankay kallaripi rimarishpaka, Saquicela pushakka Mamallakta Tantanakuypak llankaywasita kutin alli charinapakmi llankashun nirka, shinallatak nirkapashmi: "Ñami shuk hunkay, Llakta pushakka rimanakunapak makipurasha nirka, ñukanchikka ishkay makitami yuyaypaktarinapak rikuchinchik; shinapash ñawpaman, kamachiy ruranapak chayachishka kipaka mana", nirkami..
Llakta pushaktami llakta kasiklla kawsanapak ruraykunata allichinaman kayachirka, llaktata yanapak kamachiyta ruranapak llankanaman kayachin, Ecuador llaktapak ancha llakikunata allichinapak ñankunata mashkanaman. "Kay chaska punchami Chapakkuna mutsushkata kutichishun llakichikta pakta chimpapurachunkuna; kaya punchami Mamallakta Tantanakuypi wankuri pushakkunawan llankanata paktashun kaypimi ima llankaykuna paktanata allichishun", ninmi.
Kallaripika, Abedrabbo kamachi killkakmi Mamallakta Tantanakuyman Comisión Pluripartidista Ad Hoc Minkarishkapi allichishka llankaywillayta riksinapak mañayta chayachirka, Rimanakuyta pushakuk akllashpa riksinapak arinirka.
Puchukay yuyaypaktaripika, llankaywillaypika Mamakamachiy, kamachiykuna, uchilla kamachikunawan paktami llankashkanchik nin; tukuy pachakunami pakta taripanata katishkanchik shinallatak pakta mitsarinapakpash kayachishkanchik, huchachik riksichishkawan, allinta riksishka kipa, abogada Guadalupe Llori kamachi killkak LOFL kamachiypak 129 niki killka shinallatak 140 niki killkatapish rikuchishkatami mana paktachishka, chaymantami Mamallakta Tantanakuyta pushakmanta llukshichinapak rikuchishka, nin.
Mamallakta Tantanakuyta minkarishpa pushakuk, Virgilio Saquicela kamachi abogada kamachi killkakman willachun shinallatak shuk saylla ukupi kay Mamallakta Tantanakuypak wasi ukuman chayamushpa mitsarichun mañarka. Shuk saylla yallishka kipa, llankaywillay killkata riksishka kati, huchachiyta chayachik kamachi killkak runata rimachun mañarka.
Luis Esteban Torres kamachi killkak Guadalupe Llori kamachi killkak pay llankanata mana paktashka nishpa huchachishkata riksichirka, shinallatak Llaktayta kamayman chayachina mana allikan kay medidas cautelares shinallatak acciones de protección killkata kutin kutin chayachishpa, nirka.
Rimanakuypika sukta kamachi killkakunami rimarirka. Marcela Holguín kamachi killkakmi kay Comisión Pluripartidista Minkarishkapi allichishka llankaywillayta kayachinapak mañayta chayachirka shinallatak kaypika abogada Guadalupe Llori Abarca kamachi killkakta Mamallakta Tantanakuy pushaymanta anchuchinapi paktarin.
Salvador Quishpe, payka, llankay paktarikuy mana allichu shinallatak medidas cautelares kamay Pachakutik wankuriman chayachishka paktarikunmi, shinaka kamachiy rikuyman chayachinka, nirka.
Yuyarinakushka killka 81 ari apushitaywan arinishkata, abogada Guadalupe Llori kamachi killkakman, Mamallakta Tantanakuyta pushakman, Escolta Legislativa awkakunaman, Llakta Llankaywasi pushakkunaman, llakta llankay chapakkunamanpash willachichun mañarka. Chayshinallatak, kay yuyarinakushka killkata Kipu Kamayukman willachinapak chayachinka, shuktak yuyarinakushkakunatapash paktanka.
EG/pv/cg-k
Ashtawan Shuyukuna:
