Mamallakta Tantanakuyka Ecuador llakta Belarús llaktawan yuyarinakushka killkata arinirka kay killkawanka Sumak Yachay Wasipi paktashka iñik pankakunatami riksirinkakuna, shinami sumay yachay wasipura ishkantik llakpi makipuranapak yanapanka.
Salvador Maita kamachi killkakka kay yuyarinakushka killkawanka ishkantik llaktakunami tawka yuyaykunapi makipuranka, shinallatak istallaktapi kawsak ayllukunatami yanapanka nirkami. Shinallatak Gustavo Mateus kamachi killkakpash Ecuador llakta shinallatak Belarús llakta pushakkunapash kay yuyarinakushka killakta paktanapak llankashkata riksirka, iñik pankakunata riksinshka kipapish.
Kay istallakta hillay killkataka Minsk kitipimi 22 puncha aymuray killa 2017 shuti aspirka shinallatak 8 puncha sasi killa chay watallatak, Corte Constitucional tantanakuy kay hillay killka mamakamachiywan pakta kashkata rikushpa mamakamachiywan paktami kan nishpa willachirka.
Yuyarinakushka killkataka Ecuador llakta ayllukunamanta yanapanapak yuyashkami, shinallatak Ecuador llakta Belarús llaktawan makipuray sinchiyay wiñarinapakmi kan. Shinallatak ishkantik istallaktakuna sumak yachay wasikuna yachayta makipurankapakmi rikuranka, mamakamachiypi yachayman paktarina hayñitapash katinapakmi yanapanka.
RSA/pv/cg-k
