Kay kullka 9 puncha raymi killa 2022 watami, Mamallakta Tantanakuyka ishkay kuytin rimanakunka, kay rimanakuykunapika, Relaciones Exteriores llankaywasi pushakta chaskinka; Ley Orgánica del Servicio Público kamachiy mushukyachina killkapak llankaywillay shukniki rimanakuypak riksinka; shinallatak, Ley Orgánica de Carrera Sanitaria kamachiy rurana killkata ishkayniki rimanakuypi paktarinkakuna, shinami pushak, Virgilio Saquicela kamachi killkak llankayman kayachishka.
Rimanakuyka 08H30 pacha tutamantami Relaciones Exteriores llankaywasi pushak, Juan Carlos Holguín runa ñawirishpa kallarinka, payka Cancillería wankuriy kay Ucrania shinallatak Rusia llaktakuna makanakuypi Ecuador llakta ayllukunata imashina yanapaywan paktashkatami riksichinka.
Kamachi killkakkunaka Ley del Servicio Público (Losep) kamachiy mushukyachinapak llankaywillaytami shukniki rimanakuypi riksinkakuna, kay kamachiywanka llaktapak llankaywasipi llankakkuna yachashpa katichun ruraykunata churanapakmi rikuranka. Kay yachaykunapika ancha mutsurishka hayñikunatami harkanapak, llakikunata anchuchinapak, pachamamata rikuranapak, shinallatak shuktak yanapaykunata chayachinapakpash yanapanka.
Kay rimanakuypika "Vive el Bicentenario" arawaypi mishak yachakukkunatami unanchankakunapash; shinallatak Ley contra la Trata de Personas y el Tráfico Ilícito de Migrantes kamachi rurana killkata; shinallatak, Azuay, Cañar, Morona Santiago, Tungurahua markakunapak zirma mintalashkamanta (Decreto Ley No. 047) kamachiywan kullki chayachinata rikuk kamachiy mushukyachinapak killkatami riksinkakuna.
Kay punchallatak, 16h00 chishiman, 776 Niki rimanakuy paktanka, kaypika Ley de Carrera Sanitaria kamachiy rurana killkata ishkayniki rimanakuypi riksinka, kay kamachiywanka llaktapi hampishpa llankak ayllukunata llankana pachakunapi, llankay kullkipi, llankay riksirinapi, llankaywasipura chimpanchinapi, llankay paktaman mirachinapi, llankashpa katinapi, llankayman yaykunapi, llankaymanta shuktakyanapi, llankaymanta llukshinapi anchirinapipash paktaykunata alli rikushpa yanapanka.
Shuktak rimanakunapika, kamachi killkakkunaka Consejo de Administración Legislativa wankuripi yuyarinakushka killkatami riksinkakuna kaypika Comisión Pluripartidista Ad Hoc Minkarishkata Jhajaira Urresta kamachi killkak, Mamallakta Tantanakuyta ishkayniki kipa pushak, Yeseña Guamaní kamachi killkata kay Ley Orgánica de la Función Legislativa kamachiypak 2, 20 yupay kay 14 niki killkapi rikuchishkata mana paktashka nishpa huchachishkata riksinkapak wiñachinatami rimanakunkakuna.
BG/pv/cg-k
