Mamallakta Tantanakuyta pushak, Virigilio Saquicela kamachi killkakka, Federación de Estudiantes Universitarios del Ecuador (FEUE) tantanakuy pushakkunawanmi rimanakurka, Érik Barba pushakmi chayamurka, paykunamanka kay Ley Orgánica de Educación Superior (LOES) kamachiy mushukyachinapak yuyaykunata chayachichun kayachishami nirka, kay kamachiy mushukyachina killkataka Educación Minkarishkapimi ishkayniki rimanakuypak llankaywillayta allichikun.
Pushak Saquicela kamachi killkakka FEUE tantanakuy kay Mamallakta Tantanakuypak wasiman chayamushka allimi kan nirka, kay tantanakuypika 600 waranka yachakuk ayllukunami kimirishkakuna, paykunamanmi Ley de Educación Superior kamachiy mushukyachina imashina paktarikushkata riksichirka.
Paymantaka, Erik Barba yachakuk runaka Mamallakta Tantanakuyta pushak, Virgilio Saquicela kamachi killkak chaskishka may allimi nirka, Shukniki Kipa pushak kashpapish shuk wata ñawpami 10 hatun yuyaykuna allichina llankaypi makipurarkanchik, kay yuyaykunaka LOES kamachiy mushukyachina shukniki rimanakuypak llankaywillaypimi kimirirka, shinami Ecuador llakta wamra ayllukunawan shinallatak yachaykuna pushakwanpash makipurashpa llankanapak yanarina riksirin, nirkami.
Rimanakuy puchukaypika, Mamallakta Tantanakuyta pushak, Virgilio Saquicela kamachi killkakka, llaktata ashtawankarin yachaytapash yanapak kamachiyta ruranapakmi kutinpash arinirka.
JLVN/pv/cg-k
Ashtawan shuyukuna:
