Kay No. 777 niki rimanakuypimi, Mamallakta Tantanakuyka Código Orgánico de Organización Territorial, Autonomía y Descentralización (COOTAD) kamachiy mushukyachina killkata shukniki rimanakuypi riksinkakuna, kay kamachiyka chikanyachishka pushakkuna (GAD) paykuna paktana llankayta allichichun hillaymi kan, shinallatak shina llankashpa alli pushayta charichunmi mashkakun.
Kamachiy mushukyachinata rikshichik, Peter Calo kamachi killkak, kay killkapika kusku kamukunatami tantachishkanchik, chaymantami kay yuyaykunapi mushukyachinata mashkakunchik, ñankunata, kashiklla kawsanata, pushanata, kiti wiñachinata, llaktayuk chaypikanata, kitikunapi wiwakuna kawsayta, antapiwpi shinallatak chakiwanlla purinaman kayachinata, pushakkunata llukshichinapak rikunata shinallatak alli tantanakuy paktarishka riksinata, ashtawanka chikanyashpa pushaykunamantapashmi rikuranka nirkami.
Ashtawanka, GAD tantanakuykuna kikinmanta llankuykullki paktanatapak ushayta sinchiyachin, llakta pushakkunawan makipurashpa yuyaypaktariman chayanapak, kayshina yanapaywanka washayashka llaktakunapak llanakayta ñawpanchinapak yuyaywanmi churashka.
Rimanakuypika, kamachi killkakkunaka, kay kamachiy mushukyachinaka llaktakuna kikin llankaypi sinchiyachun anchami mutsurin nirkakunami, llaktayukkuna chayanata shinallatak mutsushkapi rikunatami markakunapi, kitikunapi, kitillikunapipash kikin kawsay chikanyashka kashkata riksinapi yanapanka.
Katiuska Miranda shinallatak Lucía Placencia kamachi killkakkunaka pushakkunapi kari warmi ayllukunami pakta pakta yaykuna kan nirkakunami. Shinallatak, Patricia Núñez kamachi killkakka Llaktayukkuna kasiklla kawsaypi Mamallakta rikuna charishkatami kutinpash kayachirka shinallatak GAD pushakkuna Policia Nacional tantanakuywan makipuranami mutsurin shinalla llaktayukpak llakikunata riksishun nirkami. Kay ruraykuna, llankayñankuna, shinallatak llaktayuk kasiklla kawsanapak yanapaykunapash Plan Nacional de Desarrollo llankaywanmi paktarishka kana kan, nirkakunami. .
Rimanakuyshka kipami, Mamallakta Tantanakuyta pushak, Virgilio Saquicela Espinoza kamachi killkak, rimanakuyta wichkarka shinallatak llankaytapash harkachirka, kay shamuk kullka 16 puncha, raymi killa 2022 wata, 10h00 tutamanta kutin kallarinapak kayachishpa sakirka.
BG/pv/cg-k
Ashtawan shuyukuna:
