Mamallakta Tantanakuy, Virgilio Saquicela Espinoza pushakuywan, 107 ari apushitaywanmi, Fiscalía General del Estado tantanakuyman ñawpa llankaywasi pushak, 2020 watapi taripashpa llankaymanta anchuchishka, María Paula Romo runata ñawinchiyman kayachishka killkata chayachinapak arinirkakuna, kay ñawinchiypika imalla llakikuna tiyashkata riksinapak kay llankaypi mana pakta kashka nishpa rikuchishpa kallarichun, ninmi.
Kay yuyarinakushka killkapika, Killkamayukmanta, Consejo de la Judicatura tantanakuyta tukuy taripashka killkata Fiscalía General del Estado tantanakuy, mañashkata chayachishkata willachun ninmi, kay mañaytaka kay 25 puncha sasi killa 2020 watapimi chayachirkakuna.
Shinallatak, Mamallakta Tantanakuyka Consejo de la Judicatura tantanakuy pushaktami, paypak paktashkata katishpa, kay Función Judicial tantanakuymanta alli llankanapak hatun yuyaykunata katishpa llankachun, kay yuyarinakushka killkapi, ninmi.
Rimanakuyka Juan Cristóbal Lloret kamachi killkak chayachishka arininapak killkata rikushpami paktarirka, payka kay 2019 watapi rikurishka, shinallatak ruraykuna paktashkapish llankaywasi pushak Romo paktarishkami kan, ninmi.
13 kamachi killkakkunami rimarirka, shinallatak chusku willay achikyachun mañaypash tiyarka. Achka kamachi killkakunami kay awaki puncha llakta ayllukuna pushakkunawan uk atirinakuyka allimi rikurin nirkakuna, Leonidas Iza, Confederación de Nacionalidades Indígenas del Ecuador (Conaie) tantanakuy pushakta wichkanapak kay awkarik tutamanta hapishkamanta nanarirkakunami.
Shinallatak, tawka wankurikunami llaktayukapak, runa ayllu llaktakunapakpash yanapaykunata paktanapak rimanakuy kallarinaman kayachirkakuna, shinallatak llaktayuk tantanakuykunapash punchan punchami llakikunapi wakllirikun, charikunapash chanipi mirakun, hampina wasikunapi hampikunapash illan, llankaypash mana tiyan, shinallatak shuktak llakikunapipash wakcha ayllukuna kawsakushkata rikunapak kayachirka.
Kay yuyarinakushka killkapika, tawka kamachi killkakkunaka kay wayru killa 2019 watapi imalla tiyashkata taripanaman kayachirka, kaypika chay pachakuna llankaywasi pushakuk María Paula Romo warmimi rikunata charirka, Ecuador llaktapika tawka wakcha ayllukunami nanaypi paykunapak ayllukuna wañushkamanta sakirirka, ninkunami.
EG/pv/cg-k
Ashtawan shuyukuna:
