Mamallakta Tantanakuyka ministros del Interior, Patricio Carrillo shinallatak de Defensa llankaywasi pushak, Luis Lara Jaramillo runakunatami Mamallakta Tantanakuyman ñawirinaman kayachinapak arinirkakuna, paykunaka 48 sayllakuna ukupimi, llaktapi atirinakuy punchakuna ukupu imashinalla Policia shinallatak Fuerzas Armadas tantanakuy chimpapuray paktashkatami riksichikakuna.
Yuyarinakushka killkataka mamakamachiy rikuchishkamanta Mamallakta Tantanakuypak llankaymi Llakta pushak, Electoral, Transparencia shinallatak llaktapak shuktak llankaywasikunapash llankashkata ñawinchina nishpami arinirkakuna, shinallatak mutsurikpika llaktapak llankaywasipi llankakkunata willayta mañashun nirkami. Llaktapak llankaymi ayllukuna kasiklla kawsayta, tukuykuna allilla shinallatak llaktayuk chaypikashpa kawsayta rikuranaka kan.
Jhajaira Urresta kamachi killkak, yuyarinakushka killkata arinichun mañan, llaktapi kullki llankay wakllirishkawanka tawka llaktayukkunapimi llakita chayachishka. "Hampinapi, yachaypi, shuktak utkashpa yanapanakunapipash", nirkami.
Llaktayuk atirinakuypi imalla llakikuna rikurishkamanta rimashka kipa, Llaktapak llankaywasikuna imashinalla llankayta paktakushkata willana allimi kan, paykunami tukuy chapaykunata rikushpa llankakunkuna, ninkami.
Shinallatak Seguridad Integral Minkarishkata pushak, Ramiro Narváez, wañuykuna, patsak patsak chukririkuna, yallitak llapiy, makaypash tiyashkamanta anchata llakirirka, chikanayashka wakcha kawsaymanta, runakunata millashkamanta, mana rikuy paktashkamantami kay llakikunaka nirka, shinallatak chikanyay, millay, chimpapuraypashmi mirashka, ninkami.
Mana allichu atirinakuypak shutipi llaktapak shukllapak llankaywasikunata rupachiyka, shinallatak llaktayuk kashiklla kawsanapak shutipi samana pampakunapi llakichinaka, shinallatak piñarishka kani nishpa yakuta mapayachina mana allichi, nakashpaka kasiklla kawsana nishpa llakichiypash, runakunapak hayñita istallaktakunamanta riksishkata wakllichina", nirkami.
Llaktapak atirinakuypi chukririshka ayllukunawanmi kamachi killkakunaka nanarirka shinallatak chapakkuna, awkakunapash sinchita wakllichishkata shitarirka, ashtawanka rimanakuyman utkashpa chayachun kayachirka, shina mamakamachiypi kamachiykunapi rikuchishkata paktapashpa llakimanta llukshinapak, nirkami.
Hatun yuyaykunapi paktarichun chimpapura tiyarishpa rimanakuchunmi kayachin. Mamakamachiy rikuchishkata katishpa atirinakuy paktanata sumaychachun mañan, wakllichiyta harkanapak ruraykunata purichishpa katinapakapash, mikunakunata chayachinapak, chanikunata ama mirachinapak, tukuyta chayachinapakapash.
Kay yuyarinakushka killkataka 80 ari, 3 mana, 47 mana apushitashkawanmi arinirkakuna.
RSA/pv/cg-k
