Mamallakta Tantanakuyta pushak, Virgilio Saquicela, kamachi killkakmi Istallakta tantanakuymanta, wankurikunamanta, llaktayukkunamantapash minkashka ayllukunata shinallatak kamachik killkakkunata wankuri pushakkunata, Llakta pushakwan, Conaie wankuriywan shuktak tantanakuykunawanpash llakikunata ashayachinapak rimanakuyta kallarinapak kayachirkakuna. Kay rimanakuymanka Organización de Naciones Unidas (ONU), Federación de Cámaras de Comercio del Ecuador, Comité Internacional de Cruz Roja Ecuatoriana, Comité Empresarial Ecuatoriano, Conferencia Episcopal Ecuatoriana, Unión Europea, FEUE, Sociedad de Ingenieros del Ecuador y de la Organización Paz y Desarrollo tantanakuymanta minkarishkakunami chayamurka. Mamallakta Tantanakuyka punku pashkashkatami charikun, mutsurikpika, rimanakuy kay wasipi paktarichun, Ecuador llaktaka tukuypak hawapimi kana kan, nirkami.
Mamallakta Tantanakuyka kutinpashmi rimanakuyman kayachin
Mamallakta Tantanakuyka Llakta pushakwan rimanakuy achikllata charinapakmi mañan, mamallakta alli yuyaypaktariman chayachun, shinallatak llaktapi mamakamachiy shuktak kamachiykunapash rikuchishka hayñikunata charishpa katinapak alli paktachinata. Shinallatak llakta pushakmanta llaktayukkuna atirinakuyta mana alli pushakushkata shitarirkami. Shinallatak, Corte Constitucional tantanakuy rimarishkata shitarirka, paykunaka kay estado de excepción killka paktarishka rikuna ukupi, riksichun, harkachun, shinallatak kamay wasikunapash Llaktapak Mamakamachiy chikanyachishpa rikuchishkawan wakllichishkata harkanapi paktarina kan nirkami, shinallatak kamay paktarinapipash Ecuador llakta ayllukunapak kawsana hayñikunata wakllichinalla rikurikta harkanapakmi kan, nirkakunami.
Chalwata hapishpa llankakta yanapak Kamachiy rurana killka Mamallakta Tantanakuypak yanapayta chaskirka
Mamallakta Tantanakuypi kay Ley de Incentivos a la Pesca Artesanal kamachiy rurana killkata shukniki rimanakuypi riksirkakuna, kay kamachiywanka llankayta sinchiyachinapak, llaktamanta alli yanapak llankaytakunata chayachinapak, utkashpa kullki mañachinapi, ashalla wawa kullkita mañanapak, chalwata hapishpa llankkakunata llakimanta llukshichinapakmi kan. Kay kamachiywanka chalwata hapishpa llankayta mirachinapak, mamakuchapi llankayta sinchiyachinapak kullkita mañanapak shinallatak mikuna unanchanapak llaktaykunata alli chayachinkapak yanapanapakmi kan, makiwan chalwata hapikkunata llankaypi yanapanapak yalli yuyaymi, ashtawankarin kaya kamachiyka mamakuchapi tiyashkata charishpa katinapak, ama wakllichinapak, pachamamata kawsaywan charishpa katinapakpashmi yanapanka nirkami.
Kamachi killkakkuna wiwakunata yanapashpa llankanapak kutinpash arininkuna
Wiwakunapak kawsayta ukllanapak, shinallatak wiwakunata charinallami nishpa riksishkata shitarinapakmi, wiwakunapash yarinayukkunami, nishpaka, pachamamapi kawsashkata hamuktakmi kan, kay Código Civil kamachiy mushukyachinapika kaytami mashkakun, Mamallakta Tantanakuypak shukniki rimanakuypi riksishka karka. Kamachiy rurana killkawanka Llaktapakmi shuk kamachiyta wiwakunata ukllanapak shinallatak runa ayllukunapash charinapi imalla paktanata kamaywan rikuranatapash allichin.
Ecuador llakta ayllukuna wañukpi apamunapak yanapak kamachiy rurana killka shukniki rimanakuypi yallirka
Mamallakta Tantanakuypi Ley de Movilidad Humana kamachiy rurana killka, Ecuador llakta ayllukuna istallaktapi wañukpi kay llaktaman apamunapak, shukniki rimanakuypi riksirkakuna. Angel Maita kamachi killkak kay Relaciones Internacionales Minkarishka ukupi allichishka llankaywillayta riksichikka, ayllukuna istallaktapi wañukpi apamunapakmi yanapanka nirka. Kamachiypika ayllukuna wañukpi tukuy apamutapak chanikunata, paktarina killkakunatapash llaktami riksinata charin nirka, Shinallatak shuktak ayllu (mana wasi ayllupash) tukuy mañaykunata kallarichunmi rikuchin. Shinallatak llaktaman kutichinapak mañaykuna imalla paktanatapash allichin.
Kay Interior shinallatak Defensa llankaywasi pushakkunami Mamallakta Tantanakuyman chayamunka
Mamallakta Tantanakuypi ministros del Interior, Patricio Carrillo shinallatak de Defensa, Luis Lara pushak runakunata, Ñawirinaman chayamuchun kayachirkakuna, paykunaka kay llaktayuk atirinakuy pachakunapi Policía shinallatak Fuerzas Armadas tantanakuypash imashinalla llankaykunata paktachishkatami willankakuna. Yuyarinakushka killkataka Mamakamachiypimi Mamallakta Tantanakuypak llankayka Llakta pushakkunata, Pushak akllayta rikukkunata, Achiklla Llankay chapakkunata, shuktak tantanakuykunatapash ñawirinaman kayachinapak rikuchin ninmi. Shinallatak Llaktapak hatun yuyaywan llankaymi ayllukuna kasiklla kawsayta charina, ukllashka kana shinallatak llaktayuk chaypikashkawan kawsanatapash rikuranka, nirkami.
Mikuna unanchay shinallatak kullkillankayta sinchiyachinapashmi Mamallakta Tantanakuypi kallari llankay kan
Kay Soberanía Alimentaria Minkarishkapika Código Orgánico de Soberanía Alimentaria kamachiy rurana killkata allichinapak mushuk yuyaykunatami yachak runakunamanta chaskirka, kay kamachiy rurana killkaka –yachakkunapak rikuypika- runa ayllukunapak kullkillankaytami ukllakun, nishpaka, tukuy llaktapi shuk hunu 100 waranka llankaykunatami ukllakun, ninmi.
Kay Desarrollo Económico Minkarishkamanka kay Ley Orgánica kamachiyta mushukyachinapak shinallatak Desarrollo, Regulación y Control de los Servicios Financieros Tecnológicos tawaka kamachiy mushukyachinamantapash rimanaman yachak runakunami chayamurka. Ashtawanka, ishkay kamachiy rurana killkatami tantachirkakuna kaywanmi Decreto-Ley para el Desarrollo Económico y Sostenibilidad Fiscal tras la pandemia Covid19 kamachiyta anchuchin shinallatak economía popular y solidaria rikuypika pichka kamachiy ruranapak killkatapash riksirka.
Ñawinchiy shinallatak Llaktay Chapayka Mamallakta Tantanakuypi mana harkarinchu
Kay Régimen Económico Minkarishkapi Llaktayuk tantanakuykunata, yachakkunata, llaktapi pushakkunatapash uyarka, paykunaka Llakta pushak, Guillermo Lasso shuk wata llankashkatami riksirkakuna.
Kay Fiscalización y Control Político Minkarishkaman Fausto Murillo, Maribel Barreno shinallatak Juan José Morillo, Consejo de la Judicatura, pushak shinallatak rimarikkunapashmi chayamurka, paykunaka kay llankaywasimanta ayllukuna shuk rimarishkapi, Mamallakta Tantanakuyta ñawpa pushak, Guadalupe Llori, kamachi killkakta kutin llaykayman chayanapi yanapanapak mashkakuypi rimarishka uyarin nishkata riksirkakuna.
Kay Derecho al Trabajo Minkarishkakunaka Directorio del Instituto de Seguridad Social de las Fuerzas Armadas (ISSFA) tantanakuy pushakkunatami ñawirinaman chayamuchun kayachinka, paykunaka Fuerzas Armadas tantanakuypak ñawpa awkakunapak killakullkimanta samana kullkimantapash imapak ashayachishkatami willashpa riksichinka. Shinallatak Procurador General del Estado runapak riksishkatapash uyankakuna.
Yachanapak kullkita chaskikkuna mañakkunawanpashmi, Educación Minkarishka ukupika Secretaría de Educación Superior, Ciencia, Tecnología e Innovación (Senescyt) tantanakuy pushakta chaskirkakuna, paymi kay Ley Reformatoria al Código de la Economía Social de los Conocimientos, Creatividad e Innovación kamachiy paktachikushkata riksichinka, shinalatak Comunidad Europea yanapashka llankaykuna katikushkatapash willanka.
Hayñikunata ukllanapak shinallatak llaktayuk atirinakuymantami Minkarishkakuna llankarkakuna
Kay Garantías Constitucionales Minkarishkamanka Defensas, de Gobierno, Comandante de Policía shinallatak Consejo de la Judicatura pushakpashmi chayamurkakuna, paykunami kay llaktayuk atirinakuy 13 puncha raymi killa kallarishkapi imalla llankaykuna paktashkata riksichinkakuna. Kay yuyaykunallatatakmi Seguridad Integral Minkarishkapi riksirkakuna, kaypika willaykunata mañanapak llankaypacha pankatami allichirkakuna.
Kay Protección Integral de Niñas, Niños y Adolescentes Minkarishkapika, Gobierno, Defensa Nacional, Educación y de Inclusión Económica y Social llankaywasi pushakkunatami kayachinapak yuyarirkakuna, paykunaka llaktayuk atirinakuy punchakunapi ima llankaykunawan wawakunata, imillakunatapash sumaychashkatami willankakuna.
Kay Derecho al Trabajo Minkarishkapika llankaypacha pankatami arinirkakuna, shinami kay Ley de Trabajo Autónomo kamachiy rurana killkata ashtawan sinchita llankashpa katinkakuna, kay llankayka 24 puncha raymi killami chayachishka yuyaykunata riksishpa kallarinka shinallatak 6 puncha sitwa killaka killkanikita arinishpa paktankakuna.
Kay Educación Minkarishkapika Casa de la Cultura Ecuatoriana “Benjamín Carrión” wasiman chapakkuna yaykushpa mashkarishkata shitarirkakuna, kay Sistema Nacional de Cultura llankaypak hayñitami wakllichikun nirkakunami.
Llaktapi pushakkunata yanapanapi shinallatak kasiklla kawsamanta rikunapimi Minkarishkakunaka llankarka
Kay Gobiernos Autónomos Minkarishkaman Kiti pushakkuna, Marka pushakkuna shinalla Kitillipi pushakkunapash, kay Código de Organización Territorial, Autonomía y Descentralización (COOTAD) kamachiy riksinata sinchiyachinapak chayamurkakuna.
Kay Soberanía, Integración y Seguridad Integral Minkarishkapika llaktapi tawka pushakkunatami chaskirka, paykunaka Código Orgánico de Seguridad Integral y Ley de Inteligencia kamachiy ruranamantami rimanakurkakuna.
Kay Participación Ciudadana Minkarishkapika Juan Fernando Flores kamachi killkatata uyarka payka Ley de Acción Social y Voluntariado kamachiy rurana killkapak yuyaykunata chayachirka, kaypika yanapakkuna imashinalla paktarinamantami achikyachin, paykunaka yachashkata, shinallatak yanaparinapak ruraykunatapashmi chimpachiy ushanka.
PV/cg-k
