Kay Basílica del Voto Nacional apunchikwasi, Quito kitipimi, CONAIE tantanakuyta pushak, Leonidas Iza, Llakta pushakpak minkashka ayllukunawan, Mamallakta Tantanakuyta pushak, Virgilio Saquicela, kayachishkamanta rimanakuy paktarka, payka Ecuador llakta llakinamanta llukshinapakka utkashpa rimanakuyman chayanami ancha mutsurin, nirkami .
Kay kallari rimanakuypika CONAIE, FEINE shinallatak runa ayllu llakta shuktak tantanakuykunami chayamurka. Llakta pushakmantaka ministro de Gobierno, Francisco Jiménez; canciller, Juan Carlos Holguín shinallatak Secretario de la Administración Pública killkakamayukmi chayamurka. Ashtawanka Consejo Nacional Electoral tantanakuyta pushak, Función de Transparencia pushakpashmi kaypi karkakuna nishpami willarka.
Pushak Virgilio Saquicela kamachi killkakka kay rimanakuypika runa ayllu llaktayuk pushakkunawan shinallatak Llakta pushakwanpash rimanakuyta kallarinapak shinallatak CONAIE tantanakuyta pushak mañaychayachishkata riksinkapakka shuk yachak minkarishkatami wiñachinapak kayachirka, kaymantaka CONAIE tantanakuyta pushakka ayllu llakta tantanakuykunawan rimanakunarakmi kanchik, nirkami.
LLakta pushakmanta minkashka ayllukunaka yachakkunawan minkarishkata wiñachina allimi kan nirkakunami, shinallatak Llaktapak kayshin llankaywasi pushakkunaka rikuypimi yanapashun nirkami. Kay minkarishka ukupi tukuyta rimanakunapak tiyarichunmi shuyakunchik, nirkami.
Mamallakta Tantanakuy shinaka sinchi atirinakuyta ashayachichun mañarkanchik kay minkarishkata wiñachinkakama, shinallatak rimanakuyman chayashpallami kay llakikunata allichishun, nirkami.
PV/cg-k
