Mamallakta Tantanakuypi kamachiy rurana killkata tawka kamachiykunata mushukyachinapika Llaktata chikanyachishpa pushakkunaman (GAD) utkashpa llankaykullkita chayachinapakmi rikurankakuna nirkami.
Kay kamachiy rurana killka, Gobiernos Autónomos Minkarishkapi allichishka killka, GAD llakta pushakkuna kikin llankaykullkita paktanapak churashkami kan, kay kullkikunaka mashna kullki kashkata, chayachinalla, utkashpa, paymantatak kana nin, kashnami Henry Kronfle kamachi killkak, kamachiy killkata riksichikka nirka.
Kamachi killkakka llaktamanta kullkiwasimi killa puchukanapak pichka puncha ñawpa Banco Central del Ecuador kullkiwasiman mashna kullkita paktashkata, chaypachalla chayachina kashkatapash rikushpa chayachina kan shinallatak kallarik killapak pichka kallari puncha ukupimi Cuenta Única del Tesoro yuypaymanta chikanyashka llakta pushakpak yupaykunaman tukuy kullkita chayachina kan, ninmi.
Llaktapak kullkita rikurak tantanakuyka GAD chikanyashpa llakta pushakkunaman chaskina kullkita chayachina kipayakpika paykunapak ushashkapimi wakllirinka shinallatak pushay llankaymantapash anchuchishkami kankakuna.
Kay kamachiy killkawanka manu kullkita mana wiñachin, mushuyachin shinallatak mana anchuchinpashchu. Llaktapak kullki tukuchinatapash mana mirachin, Llakta pushakpak llankaywanpash mana waktarinchu, shinallatak GAD tantanakuykunaman chayachina kullki yupanatapash mana mushukyachinchu. Kay kamachiy rurana killkawanka chusku kamachiykunatami mushukyachin: Código de Organización Territorial, Autonomía y Descentralización; Código de Planificación y Finanzas Públicas; Código Monetario y Financiero; shinallatak, la Ley de Régimen Tributario Interno kamachiykuna,
Rimanakuypika, chikanyashka llakta pushakkuna llankaykullkita pakta, utkashpa, paymantallatak charina ancha mutsurishkatami riksichirkakuna, shinami Mamakamachiypi rikuchishka llankaykunata, ruranakunata, shinallatak llaktakuna mutsushkapi yanapaykunatapash paktachinka nirkakunami.
Kamachi killkakkunaka llankaykuyllkita mana utkashpami chayachikunkuna nishpa yuyachirka, kayshina paktarikunami llaktapika chimpapurayman paktashka. Shinallami llakta wiñarinapak yanaparinapakpash mutsurishkapi pakta chayashun, nirkakunami.
Shinallatak kay kamachiy ancha mutsurishkatami rimarkakuna, llaktakuna achiklla llankaywan wiñarinaman paktashkami nirkakuna, shinallatak kay Servicio de Rentas Internas tantanakuypash chapaykuna taripaykuinapash kimirichunmi mañarkakuna kayshina rikuykunawan manu kullki wakllichiy ama tiyachun nirkakunami.
JLVN/pv/cg-k
Ashtawan shuyukuna:
