99 ari shinallatak 10 mana apushitashkawanmi, Mamallakta Tantanakuyka kay Instituto Ecuatoriano de Seguridad Social (IESS) tantanakuy pushakkunata, shinallatak Salud, Finanzas llankaywasi pushakkunatapash Salud Minkarishkaman ñawirichun kayachinapak arinirkakuna, paykunaka 20 punchakuna ukupimi, Llaktapak Sistema Nacional de Salud Pública Llikapi llakikuna tiyashkata allichinapak imalla llankaykunawan paktashkata riksichinkakuna.
Llakta pushakkuna hampinapi illashkamanta, hampina wasikunapi yanapanamanta, charinakuna mintalashkamanta kullki chayachishka willayta riksishka kipami, kamachi killkakunaka sukta niki killkata charik yuyarinakushka kamachiyta arinirkakuna, mañayta chayachik Juan Cristóbal Lloret kamachi killkakka, "Llaktapi hampina llankaypi mana pakta rikushpa killakukshina llankashkamanta shinallatak llaktayuk mutsushkata mana kutichishkamantami ñawirinata charinkuna", nirkami.
Shinallatak mana pakta llankaykuna, kunkarishkakuna, mana munaywan llankaykunapashmi llaktayukta yanapaypi rikurik shinaka nirkami, kay willaykuna chaskishkamanta Llakta Ñawiriyman paktariy usharina shinami rikurin kay Sistema Nacional de Salud llankaypi shinallatak Finanzas llankaywasipipash mana pakta rikushpa llankashkamanta.
Ashtawanka,Consejo Directivo del IESS tantanakuy pushakkunata llankaymanta chikanyachun kayachirkakuna, paykunapash Seguridad Social tantanakuy kunan punchakuna rikurishkapi mana pakta yanapaywan chayakun nishpa.
Rimanakuy
Rimanakuypika tawka wankurikunamanta 22 kamachi killkakunami rimarirkakuna, llaktapi waranka waranka ayllukunami hampinapi mana alli yanapayta chaskishpa wakllirishkakuna nirkakuna. Shinallatak kay Seguridad Social tantanakuypi mushuk ruraykunata churanami kan, kayshina alli yanapayta llankaytapash chayachinapak, nirkakunami.
Hampinapi hatun llakikuna rikurishkata chimpapurakushkata llaktapi pushakkunaka mana kutichishkachu, kullki illashkamanta kay llakikuna ashtawanmi sinchiyan. Shinallatak shuk Llaktay Ñawinchiiyman Hampina wasita ñawpa pushak, Ximena Garzón runata kayachinashina rikurin, shinallatak tawka llankaywasi pushakkuna chikanyashkapash hampikuna illashkamanta, hampinapi yanapaymanta, llankakkuna chiknayachishkamanta, mana pakta rikushpa llankaymantapash riksirinamanta mana anchurinchu, nirkakunami.
BG-JLVN/pv/cg-k
