Kay Ley para la Garantía, Promoción y Protección de la Libertad de Prensa, de Opinión, de Expresión y de la Comunicación kamachiy rurana killkamanta ishkayniki rimanakuyta; shinallatak, Ecuador llakta Turquía llaktawan makipuranapak shuk yuyarinakushka killkatapashmi Mamallakta Tantanakuypi kay shamuk kullka puncha, 10H30 pacha tutamanka rimanakunkakuna.
Kallari yuyaymanta llankaytaka Relaciones Internacionales Minkarishkapi allichishka llankaywillaypimi kimirinkakuna, Kay killkataka Llakta pushak, Guillermo Lasso; Marjorie Chávez, Fernando Villavicencio, Marcela Holguín, Dina Farinango shinallatak ñawpa kamachi killkak Juan Cárdenas chayachishka killka kamunkunatami tantachin, .
Llankaywillayta ruranapak ñawpaka, Minkarishkapika Llakta pushakmanta Secretaría de Comunicación tantanakuyta, Consejo de Comunicación, Fundamedios, Federación shinallatak Unión Nacional de Periodistas tantanakuykunata, Arcotel, Corape, Asociación Ecuatoriana de Radiodifusión, Red de Periodistas Libres, Confeniae, Unesco tantanakuykunata, Relator de la Libertad de Expresión de Naciones Unidas minkarishka runata, Karu rikuchik, karu uyachika wankurikunata, yachachikkunata, mamakamachiyta riksik kamak runakunata, shuktak ayllukunatapashmi chaskirkakuna. Ashatawanka yachakkuna llankanapak kanchis wankurikunata wiñachishpami yuyaykunata pakta pakta riksirkakuna.
Kay kamachiy rurana killkawanka kacharishpa rimanata shinallatak llaktayukkunata millashpa, wakllichishpa, wawakunapak kikinkayta ukllana hayñikunata kuyuchinapakmi mashkakun, shinallatak willachik anta wasikunapi llankanapak hayñikunatapash sumaychan.
Kay Ecuador llakta Turquía llaktawan allpapacha mintalaypi makipuranapakmi kan; mintalayta kuyuchinapak, kullki llankayta sinchiyachinapak shinallatak kullki llankaypi makipuranata ashtawanka ishkantak llaktapura charishkakunata mintalanatami sinchiyachinka.
Kay Relaciones Internacionales Minkarishkapi allichishka llankaywillaypika ninmi, kay yuyarinakushka killkawanka mintalayta mirachinka, kullkillankayta sinchiyachinka shinallatak Ecuador llaktata Europa suyu llaktakunawan mintalanapak ukupi akllashpa chayachinka, shinallatak ishkantik llaktapura charishkakunata mintalanapak mirachinapakpash ruraykunata, llankaykunata yuyaykunatapash wiñachishpa killkankakuna.
PV/cg-k
