Mamallakta Tantanakuyka, Virgilio Saquicela kamachi killkak pushakukwan, llankay kallarishka punchakmanta Ecuador llaktayuk allikachun llankay kallarirkakuna. Chaypakka, Kay Kamachiy Awlli wasipi kamachiy rurana killkakuna harkarishkatami chaypachallatak allichinata kallarirkakuna.
Kay raymi killa, Mamallakta Tantanakuyka kimsa kamachiytami ishkayniki rimanakuypimi, istallaktawan shuk yuyarinakushkata shinallatak shukniki rimanakuypi 10 kamachiy rurana killkatami arinirkakuna.
Kamachiy arinishkakunapika rikurinmi Ley de Apoyo Humanitario kamachiy mushukyachina, kay kamachiywanka Llaktapak kullkiwasikunawan shinallatak mana kullkiwasikunamanpash kutichina kullki chayachina pachakunata kutin mushukyachinata yanapan, Kullki mañak ayllukunawanmi kullkita ima pacha kutichinata, mashna wawakullkiwan mirachinata, kutichina kullkita mashna chanita killapi kutichinata kay 16 puncha pawkar 2020 watamanta mañashka mashynapi rakishpa chayachinapakmi yanapanka.
Shinallatak Ley Orgánica que Regula el Uso Legítimo de la Fuerza kamachiy rurana killkata arinirka, kay kamachiywanka hayñikunata ukllanapak, kacharishpa rimanapak shinallatak mamakamachiypak hayñkunata ukllanapak, ashtawanka tukuy llaktayukkunapak hayñita ukllanapakpash yanapanka.
Chayshinallatak, shukniki rimanakuypimi Ley de Incentivos a la Pesca Artesanal, Ley del Servicio Público, Ley Orgánica Reformatoria al COOTAD, Ley Orgánica de Protección y Bienestar Animal, Ley Reformatoria de Prevención, Protección y Atención Integral l a las personas que padecen diabetes kamachiy ruranaka killkakunatami riksirkakuna.
Mamallakta Tantanakuyka mamakamachiy rirkuchishkata paktashpami llaktay chaparayta shinallatak ñawinchiytapash paktachin, chaymantami Mamallakta Tantanakuyman ministros del Interior, Patricio Carrillo shinallatak Defensa, Luis Lara pushakkuna chayamurka.
Paykunamantaka, Consejo de la Administración Legislativa (CAL) wankurika 26 kamachiy rurana killkatami akllarka shinami llakta ancha mutsushkapi yanapanka. Kay tukuy mañaykunataka tawka minkarishkakunapimi riksishpa allichishka kanka.
Shuktakpika, Mamallakta Tantanakuyka Llakta pushak kay runa ayllukuna wankurishkawan rimanakunapimi sinchita llankarka. Mamallakta Tantanakuymantaka, ishkantikmanta rimanakuchun kayachirka, shinallatak tawka punchakuna yuyarinakushkawan llakta kasiklla kawsanapak killkata arinirkakuna.
Ñami shuk killka yallishka, yuyanchikmi Ecuador llaktapak wiñaykawsaypi hatun llaki kawsaymi, shinapash Mamallakta Tantanakuymantaka llakta kullkillankayta kutincharinapak yanapak kamachiykunatami allichishpa katikunchik, Ecuador llaktapak ayllukuna alli kawsayta paktachun yuyaymi kan.
MEV/pv/cg-k
