Mamallakta Tantanakuyta pushak, Virgilio Saquicela Espinoza kayachishkamanta, kay awkarin 12 puncha sitwa killa 2022 wata, 10H00 pacha tutamanta rimanakushpa llankanka. Kallaripika kullkimanta, llankaymanta, kasiklla kawsanamanta yuyaykunami rimanakunapak churashka tiyakun.
Shuknikipika Código de Planificación y Finanzas Públicas para Garantizar Presupuestos Incrementales en Salud y Educación kamachiy mushukyachinatami rimanakunkakuna, kay mañaytaka Pabel Muñoz kamachi killkakmi chayachirka, Régimen Económico Minkarishkapimi allichishka karka, kay kamachiywanka kallariy yachaypi, chawpi yachaypi shinallatak Llaktapak Hampinapak kullkita llakta watallankana kullki pankapi mirachichunmi yanapanka.
Kay Código del Trabajo kamachiy mushukyachinapi llankaymanta llukshichishpa kachashkata, shinallatak llankaymanta llukshichikpi kullkiwan yanapachinata rimanakunka. Kay mañaytaka Rina Campaín kamachi killkakmi chayachirka, Derecho al Trabajo y la Seguridad Social Minkarishkapimi riksishpa allichirkakuna.
Kamachiywanka chichu warmikunata, wawata chuchuchikuk warmikunata, wawa wiñachinapak pachakunapi samakuk warmikunata llankaymanta llukshichishkata mana riksinapakmi mashkakun, shinallatak wankuri pushakkunatapash llankaymanta ama llukshichichun mashkakun.
Puchukaypika, kamachi killkakkunaka Ley de Seguridad Privad kamachiy rurana killkatami riksinkakuna, kay kamachiywanka seguridad privada llankaka ayllukunatami ukllanka; shinallatak kayshinapi llankakkunata chaparanapak rikunanapakpash yanapanka, ayllukunata, charishkakunata, chanikunata, charinakunatapash ukllanapak, ayllukunata yachachinapakpash rikuranka.
Kay kamachiy rurana killkataka Soberanía y Seguridad Integral Minkarishkami killkata allichirka, shinallatak Jorge Pinto kamachi killkak, Paco Fierro y René Yandún ñawpa kamachi killkakkuna chayachishkatami shuklla kamu killkapi tantachirkakuna.
BG/pv/cg-k
