Shuk apushkay raymi, Salón José Mejía Lequerica wasi ukupi, Mamallakta Tantanakuyta pushak, Virgilio Saquicela, Mamallakta Tanranakuypak shutipi "Dr. Vicente Rocafuerte" unanchata llaktapi rumpawan ñawpa pukllakunaman shinallatak Gabriela Vargas runaman, llushkayashpa pukllakman, paykunami Ecuador llaktapak shutita riksichishpa kushiyachishkapash.
Pay runanakunami José Federico Minda, José Luis Estrada, Fabián Cubero, Paúl Ambrossi, Carlos Morales, José Francisco Cevallos, Ernesto Guerra, Cristhian César Castro, Luis Miguel Escalada, Juan Francisco Aguinaga y Jacinto Espinosa unanchata chaskirkakuna.
Mamallakta Tantanakuyta pushak Mamallakta Tantanakuy, "Llaktayuk chaypikana wasi" llaktapak kawsaypi kushiyachik ayllukunata chaskin shinallatak "Rumpawan pukllashkamanta kushiyanchik ashtawanka kay kushiyashkata tukuy llaktayukkunamanpash chayachishkamanta", nirkami.
Yuyachinchikmi kay Ley del Deporte kamachiyta Mamallakta Tantanakuymi allichikun, chaymantami kayshina llamkaypi kimirichun kayachin ashtawankarin yuyaykunata mañaykunatapash chayachichun, kayshina tukuymanta pukllaykunata sinchiyachinapak.
Shuktakmantaka, Ariel Bailón, kay Red de Organizaciones Sociales del Ecuador tantanakuyta pushak, Virgilio Saquicela kamachi killkakman shuk karayta chayachishpa, kay "Llaktayuk chaypikana wasi" wasiman chayamuna hatun kushiyaymi rumpawan ñawpa pukllakkunata riksirinkapak, paykuna sinchita llamkashkamanta.
JLVN/pv/cg-k
