Ecuador Mamallaktachiymanta ruraykunawan tukuypak llaktayta paktachishpa mikuna unanchayta charinkapak hayñikunata sinchiyachinapak, kaymi tukuymanta shuk hatun yuyay kay Ley para la Defensa y Desarrollo de la Economía Familiar Campesina kamachiy rurana killkatami Kamay Kipukman willachinapak chayachinka, Mamallakta Tantanakuypi Llakta pushak alichinaman kachashkata rikushka kipa.
Kay kamachiywanka pakllaruna wasi ayllupak kullkillamkaytami sinchiyachinka, chaypakka murukuna tarpunata, mintalay pampakunaman chayanata, yachaywan yanapanata shinallatak kayshina llamkaypi tukuy kimirishka ruraykunata churanapi yanapanka, llamkayta kutinpash charinkapak sinchiyachinapakpash, Ecuador llaktapi mikuna unanchay paktanapak ancha mutsurik kashkata rikururashpa.
Kay kamachiyka runa llaktakunatami ukllan, paykunaka kutin kutinmi kamachiy paktarinamanta chikanyachishka kashkakuna, chaypakmi chaparanata, pakta llamkanata shinallatak kullkillmkay charinapak allpakunata shutichinatapash rikuran; charishkakunta ruranakunata shinallatak mintalaykunata; ruranapak tukuy mutsushka antakunata charinapak mushuk yuyay mashkanapakpash; shinallatak runa llaktakunapi yachayta kutinpas halli charinapak rurayriksichik killkata allichinapakpash.
Kay kamachiyka Sistema de Defensa, Restauración y Promoción de la Economía Familiar Campesina; shinallatak Shuk Rikuk Wankuritapash wiñachin, runa llaktakunapi wasi ayllupura llamkayta sinchiyachinapak kayshina runa llaktapi wasi ayllukunapash alli kawsayta paktachun shinallatak mikuna sumaychaytapash charichun.
Ashtawanka, kay Unidad de Registro Nacional de la Economía Familiar wankurita wiñachinapak, kaypi tarpuk wasi ayllukuna, llaktakuna, runa llatakuna, kawsaymarkakunapash kikinmanta, wasi ayllupura tantanakushpa, kay kamachiywan yanaparinkapak
PV/cg-k
