Mamallakta Tantanakuypi, tukuy chayamuk kamachi killkakkuna, 118 ari apushitaywan kay Ley de Movilidad Humana kamachiy mushukyachina killkata arinirka, istallaktaman rinata shinallatak ayllukuna alli, pakta, chaparashka, sumaychashka purinakuy charinapak yanapanka; ashtawankarin, istallaktaman rinapak llaktaykunata pakta allichishpa mañanakushkpapish.
Majorie Chávez kamachi killkak, kay kamachiyta riksichik, runakuna purinakunapak mañaykunata pakta alli rikunapak shinallatak sumaychanapakpashmi kay kamachiyka yanapanka nin; llaktayuk kashkata anchuchinamanta shinallatak llakta mana charishkamantapash rikunka; istallakta kari warmi wawakunata, wamrakunatapash rikurankapak yanapanka.
Yuyachishpa nirkami kay kamachiy allichinapakka Fernando Flores kamachiy killkak shinallatak Defensor del Pueblo Tantanakuy pushak chayachishkatami tantachirkanchik, Kay killka allichiypika Defensoría Pública, Cruz Roja Ecuatoriana, “Caritas” wankuriy, Comitato Internazionale per lo Sviloppo dei Popoli tantanakuymanta minkarishka; Fundación Diálogo Diverso; shinallatak, Care Ecuador tantanakuykunami chayamurka.
Ishkayniki rimanakuypak llamkaywillaypi hatuk mushukyay tiyashkata rimarka: Mana tikrachinapak hatunyuyay; istallaktamanta ayllukunapak hayñi; kay Movilidad Humana pushakkuna llaktayuk shutichinapak paktachinamanta; shinallatak, istallaktamanta ayllukuna kay llaktaman yaykuchun mana sakinamanta.
Kamachiy
Kamachiy rurana killkapika llaktayuk shutichishkata anchuchinapak harkachinapak imashinall paktanatami sumaychan; mañaykunapash shukyanchishka kachun; runapak hayñikunata sumaychashpa, shinallatak mivilidad humana rikunapi ruraykuna shinallatak sumaychaypash alli paktarinapak.
Shinallatak, Movilidad Humana pushakkuna llaktayuk shutichinata istallakta mañan ayllukunaman willachina; shinallatak llaktayuk kashkata llakta illaklla sakirina rikurikpika anchuhchinata harkan; shinallatak, llaktaman ayllukuna yaykunata harkayka chikanyachishpa rikushkami kanka shinallatak medidas cautelares mañayta chayachikpi kutin kutin rikuypi paktariy usharinkami.
Kamachiy rurana killkata shamuk punchakunami Llakta Pushakman chayachishka kanka kaypi Mamakamachiy shinallatak Ley Orgánica de la Función Legislativa. kamachiytapash rikuchishka pachakuna ukupi arinichun mana kashpaka allichinata rikuchichunpash.
JLVN/pv/cg-k
