Kay Ley Orgánica para la Transformación Digital y Audiovisual kamachiy rurana killkata Mamallakta Tantanakuyman chayamuk tukuy kamachi killkakunami arinirkakuna shinallatak Llakta pushakman arinichun mana kashpaka allichinapak rikuchichunpash chayachinka, kashnami Mamakamachiy shinallatak Ley Orgánica de la Función Legislativa kamachiy rikuchishkata katishpa. Kamachiy rurana killkawanka kullkiwan llamkanata, istallaktakunawan chimpapuranata shinallatak rikuna shuyukuyuriktapash ruranapakmi yanapanka.
Kamachiy rurana killkawanka tukuy allpa pachamanta llikapankapi kullkillamkakkunata kay llaktapi llamkayta kallarichun, mushuk antakunata apamuchun mushukyachun, mañaykunata ashayachinapak, mañaykunapi harkarikuna tsaknarikuna tiyashkata ashayachinapak munachinapakmi yanapan.
Ashtawanka, kay hillayka llikapankata, antanikichik llikakunata shinallatak llikakunatapashmi sinchiyachina kayshina kullkillamkayta mirachinapak, llikapankapi llamkayta mirachinapak, alliman paktachinkapak shinallatak llaktayuk yanaparichun, mushuk ruraykunaman kimirichun, ashtawankarin llikapankapi llamkaykuna, yachay, hampina, ruraykunapash mirarichun.
Kay rimanakuyka Desarrollo Económico Minkarishka, Daniel Noboa Azín kamachi killkak pushakushk shinallatak kamachiy rurana kilkata riksichik allichishka llamkaywillay tixipi kimirishpami paktarirka, payka kay kamachiy imashina yanapaywan paktarinatami riksichirka, rikuchik shuyuwan llamkakllaman mana ashtawanpash llikapankapi kikin llamkay riksirinata tukuy llaktapi sinchiyachishpa. Nirkami kamachiy rurana killkataka 10 rimanakuypimi allichirkanchik, kaypika llaktayukkunamanta, tantanakuymanta, llaktapak shukllapak tantarimantapash kay llikapankamanta shinallatak shuyukuyurik llamkay paktarinamantapash chaskirkanchik.
Rimanakuy paktana ñawpaka, Mamallakta Tantanakuyka Jorge Luis Hidalgo shinallatak José Barzallo runakuna, energías renovables y de tecnologías tantanakuy rikuk ayllukunatami chaskirkakuna, paykunaka ashnakkuna yanapay chani anchuchina mutsurishkatami rimarkakuna, kay llamkaykullkitaka llikapanka mushukyanapakmi chayachina kan nirkami, shinallatak kay kamachiy ukupi paktarina, kikin llikapanka charina, zirma shuti aspi charina mutsurin nirkami. Shinallatak shuyu kuyurik tantanakuy pushakkunapashmi chayamurka paykunaka kay muchuk kamachiyta arinishkamanta kushiyarkakunami.
Kay kamachiypak shuk hatun yuyayka Certificado de Inversión Audiovisual charinami hatun yuyay kan, kay hillayka shuyukuyuri llamkay llaktapi wiñachishpa llamkay wiñachinatami yanapanka. Shuktakpika notarios ayllukunata mushukyachinapak yachay mishanakuyman kayachishkata, Mamallakta Tantanakuyka 121 ari apushitaywanmi mana nirka, kay kamachiywan mana paktarishk yuyay kashkamanta.
El presidente de la Asamblea Nacional, Virgilio Saquicela, al finalizar la sesión, destacó la importancia del diálogo, como medio para generar consensos entre los diversos sectores y aprobar las leyes que el país demanda. “El diálogo impulsado por el Parlamento, entre el Gobierno y los productores audiovisuales, rinde resultados”, destacó.
Mamallakta Tantanakuyta pushak, Virgilio Saquicela, rimanakuy puchukapi, rimanakuy may allimi kashka nirka, shinami tawka tantanakuypura yuyaypaktarishun, shinallatak mamallakta mutsushka kamachiykunata arinishun nirka. "Mamallakta Tantanakuyka Llakta pushakkunata, llikapankapi shuyukuyurik llamkakkunawan rimanakuyman kayachishka, imalla paktashkata rikunapak", nirkami.
KC/pv/cg-k
Ashtawan shuyukuna:
