Mamallakta Tantanakuyta pushak, Virgilio Saquicela, kay “En los Hechos” rimanakuy TV Legislativa karu rikuchiypi rimarishpa, nirkami, Mamallakta Tantanakuyta kanchis killakuna pushaypi, rimanakuymi kallaripi kashka chaymantami 29 kamachiykunata llaktata shinallatak llaktayuktapash yanapanapak arinishkanchik, nirkami.
Llakta pushakwan rimanakushpami kay Ley de Transformación Digital y Audiovisual; shinallatak, de Seguridad Integral kamachiy ruranapak yuyaypaktarirkanchik nirkami. Chashnallatak, Ecuador llaktapika hatun llakika kasiklla kawsayta rikunami kan chaypimi tukuykuna kimirishka kanchik, shinapash llaktayukpak llaktay shinallatak kullkipash Llakta Pushakmantami chayana kan shinallami Policía Nacional tantanakuy llamkanapak illapakunata, chalecos, antawakunatapash charishun, kayshinallami pakta llamkayta charishun, nirkami.
Ashtawanka achikyachishpa nirkami, llaktapi kasiklla kawsanapi llakikunataka shuk kamachiyta rurashpallaka mana paktankachu, shinapash shuk hayllimi kan, tawka mutsushkamanta, kayshina llakichikkunawan chimpapurankapak. Mamallakta Tantanakuypi arinishka kamachiyka Policía Nacional tantanakuy pakta kamaymi kan, shinami pakta llamkayta charinka, kayshina, llaktapi wichkashpa kawsana wasikunapi yaykushpa illapakuna mashkanaman chayanapak.
Saquicela kamachi killkak nirkami kay Ley de Seguridad Integral y Fortalecimiento de la Fuerza Pública kamachiy rurana killkata, Llakta pushakman chayachirkanchik, shinapash Seguridad Integral Minkarishkapi killkata allichinapakka tawka shuktak chayachishka killkakunatami tantachirkanchik. Shinallatak Mamallakta Tantanakuy pushakmantaka Llaktapak llamkana wasikuna Defensoría Pública, Defensoría del Pueblo shinallatak Fiscalía kayachirkanchik, paykunawanmi yuyaypaktrishpa 90 niki killkata kay Ley de Seguridad kamachiymanta shinallatak Código Orgánico Integral Penal kamachiymantapash mushukyachinapak yuyaypaktarirkanchik.
Kay kamachiywan shinallatak mamakamachiywanpash Llakta Pushak hillaykunata paktarinapak, Ministerio de Defensa tantanakuyta, llaktapak awkakunaka ñankunaman chayachun kaypi illapakunata shinallatak tukyachinata rikunapak, ñawpapi paktarikkuna shinallatak.
Shuk Kamachiykuna
Mamallakta Tantanakuyta pushakpash kamachiykuna arinishkatapash rimarka, tawka llaktayukkunata yanapanapak yuyaywan, kayshina yachachikkunapak killa kullki hapinata mirachinkapak, uchilla llamkakunata, kikin llamkakkunata, llika panka mushukyaytapash mushukyachinapak, hampina yachaypak, wamrakunapak, shuktakkunatapashmi yanapanka. shinallatak nirkami shamuk wataka chusku kamachiytami arininka. Shuk kamachiyka kullki wasikuna kullki mañachishka kipayakpi mashna kullki kipayashka hawapi wawa kullkita chanichun mana tukuy wawa kullki hawapika, nin.
Mamallakta Tantanakuyman tukuy chayamukkunapak punkuta paskana yuyaywan kamachiy allichinakuna killka allichinapi rikurishkallata, ashtawanpash llakikuna chimpapurashkatapash willan, kayshina llakikunata allichik kamachiyta rurankapak."Llaktayukkunawa rimanakunami kamachiy allichinapakka ancha mutsurin", ninmi.
Ñawinchiy
Ñawinchiy llamkaypika, Minkarishkakunaman llaktapak llamkaywasi tawka pushakkuna ayllukuna shinallatak kamachi killkakkunapash huchachishkamanta ñawirinaman chayamushkata rimarka. "Wakin ñawinchiyka llaktay ñawinchiypi paktarin, kayshina, Participación Ciudadana y Control Socia Tantanakuymanta chusku kunan ayllukunata llamkaymanta llukshichishka. Kay llamkayka llamkaypimi urmarka shinaka yuyaywaktariman chayarka", nirkami.
Kaymanta rimashpaka, Mamallakta Tantanakuyka Ley Orgánica de la Función Legislativa kamachiypak 142 niki killkapi llamkarka, shinapash, tawka llaktaypi paktarikkunaka Concordia llakta kamak runata tarirkakuna, paykuna mutsushkata, llamkaymanta llukshichishka ayllukunata kutinpash llamkayman tikrachinapak. Shinapash kay kamak runa riksichishpa huchachiyta paypak hawa pushakman chayachichun shuyakun, kutin mañana shinallatak Santo Domingo markapi kamakkuna kay llamkakpak hayñikunata, Mamakamachiytapash wakllichishka nishpa rikunapak, nirkami
Saquicela Espinoza runaka kay Ley de Garantías Jurisdiccionales kamachiy mushukyachinapak kayshina medidas cautelares kamayta ama yallichinpak shinallatak imallapi paktarinatapash rikuranapak. "Kay kamachiytaka shamuk watami mañaykatinka, kamachiyta ama munaymanta kuyuchichun ashtawanpash Llaktapak llamkauwasikuna shina"
Puchukaypika, Mamallakta Tantanakuyta pishakka kay 2023 watami llaktayukwan rimanakuyta sinchiyachishun nirka, chaypakka tawka markakunamanmi llamkanapak chayashun, mutushkapi yanapachun shinallaak kamachiy rurana killkatapash paktarinapak.
JLVN/pv/cg-k
