Llakta pushak, Guillermo Lasso Mendoza, kay Ley Derogatoria del Decreto-Ley Orgánica para el Desarrollo Económico y Sostenibilidad Fiscal tras la Pandemia Covid-19 kamachiy rurana killkata tukuy allichinaman tikrachishpa kachashka, chaywanka kay 29 puncha sasi killa 2021 wata kamay paktarinaman yaykushkami anchurin, chaywanka chawpiman kawsak llaktayukkunamanmi manu kullki ashtawan mirarin.
Mamakamachiypak 139 niki killkapi shinallatak Ley Orgánica de la Función Legislativa kamachiypak 65 niki killkata rikushpaka, Corte Constitucional tantanakuymi 30 punchakuna ukupi shuk yuyarinakushka killkata riksichinka, kaypika mamakamachiywan paktarikun nishpa rikuchishkamanta.
Kay kamachiy rurana killkataka Mamallakta Tantanakuymi, 100 ari apushitaywan arinirkakuna, llaktayukkunaman achkata riksichishka kipa, kaypika 25 tantanakuykuna, llaktayukkuna, wankurikuna, llaktapak shukllapak tantanakuykunapash yuyaykuna chayachishkata uyarkakuna.
Kamachi killkakkuna rimanakuypika kay kamachiy shuk wata paktarishka kipa llaktayukkunata yanapashka mana rikurinchu, ashtawanpash, ashtawan manu kullki chayachina rikurishkamanta llakipi urmashkakuna, nirkami. "LLaktapak kullki llakika chawpiman kawsak llaktayukkunamana mana urmanachu kan", nirkkunami.
Ashtawan nirkakunami kunanpi paktarikuk kamachiyka chawpiman kawsak ayllukunapak shinallatak wakacha ayllukunatami wakllichin shinallatak Mamallakta Tantanakuy kay kamachiyta anchuchinapak harkay kamay mana tiyanchu, kay kamachiywa ayllukunata wakllichikmi nirkakunami.
Kallaripika, Corte Corte Constitucional tantanakuymi kay Decreto-Ley kamachiypi tawka yuyaykuna shuklla hatun kamachiy kanapak yuyaywan waktarikun nishpa shuk yuyarinakushka killkata riksichirka; llaktayukkuna mintalanapak paktarishka ukupi RIMPE yupayka mana chaypi kana shinaka Mamakamachiypak 300 niki killkatawan waktarin; Wakin llakichiyta ñawinchiy kallarikpi Régimen Impositivo de Regularización de Activos kimirishka Mamakamachiypak 195 niki killkawan waktarin; shinallatak impuesto a la herencia manu kullki chayachinamanta wasi ayllu kakpi nakashpaka kusa warmi kakpi wawata mana charikpi tukuy hapinaman yaykunapi manu kullki anchuchina, pakta pakta hana yuyaywan waktarin shinallatak millachinpash ninmi.
PV/cg.k
