Llaktapi puncha llakichiy mirarikushkata shinallatak wichkana wasikunapi llakikuna rikurishkatami Mamallakta Tantanakuyka allichinapak shustarishpa kay llakikunata chimpapuranapak kamachiyta arinirkakuna. Kay Ley que Regula el Uso Legítimo de la Fuerza y la Ley de Personal y Disciplina de las Fuerzas Armadas kamachiykunami. Ashtawanka, ishkayniki rimanakunapak Fortalecimiento de las Capacidades Institucionales y la Seguridad Integral tawka kamachiykunata mushukyachik kamachiytami allichikun.
Kay Ley que Regula el Uso Legítimo de la Fuerza kamachiykatami llaktaka kay llakikunata, llaktayukkuna atirikta chimpapurankapak mutsun, shinallatak chaymantami Policía tantanakuyta sinchiyachina kan paykuna kamachiyta alli paktachichichun.
Kay kamachiytaka, istallaktapi kamachiy ruranapak rikuchishkata, Mamakamachiyta shinallatak Corte Constitucional tantanakuy yuyaypaktarishka killkata katishpami allichishka karka, kay kamachiyka llaktapi tantanakushpa llakichiyta shinallatak llakichiykunata chayachishka illapakunawan, tukyanakunawan, allitaa chayachishkawan, riksichishkawan llaktapi chimpapuranapakmi yanapan; shinallatak, Mamallaktachiy runakunapak hayñita ukllashkawan paktarishpa.
Fuerzas Armadas Llamkakkuna
Kay Ley de Personal y Disciplina de las Fuerzas Armadas kamachiyka awkakuna llamkay paktanata, akllanata, shinallatak yachanaman yaykunapak killkarikkunata, awkakunapak pakta llamkayta, ashtawan llashpak katinata, chikan yachay charinata, yachanata, awka kay llamkaypi pakta katinatapash rikuran; shinallatak awkakunapak llamkay wasiman pakta llamkay kawsaytapash kimichin,
Ashtawanka, Fuerzas Armadas tantanakuypi llamkak ayllukunapak hayñita sumayachanka, kay tantanakuy Ecuador llakta ayllukunata ukllashpa llamkayta paktachichun.
Kay kamachiyka llaktapi ancha mutsushkami kayshina rikunata charik ñawpa kamachiykunapak rantimi kan shinallatak shuk uchilla kamachiykunatapash shukllapi churashpa tantachinkapak, kayshina ashtawan allinta llamkankapak shinalltak kay llamkana wasipi llamkakkunapash tukuy alli paktarichunkuna.
Shuktak mañay
Kay Soberanía y Seguridad Minkarishka kay Ley Reformatoria a varios Cuerpos Legales para el Fortalecimiento de las Capacidades Institucionales y la Seguridad Integral kamachiy mushukyachinapak tawka kamachiy mushukyachinapak llamkaywillayta ishkayniki rimanakuypak allichirkakuna, chaypakka 19 tantarikunapimi llamkarka, kaypika llaktapak llamkaywasimanta ayllukunata shinallatak yachakkunatapash chaskirka.
Mushukyachinapika, yuyaywan llamkayta sinchiyachina shinallatak llaktamanta kasiklla kawsanapak kuskakunata pushana, shinallatak llakichikta chimpapuranapak llaktayta wiñachinata paktachichinapash.
Shinallatak llaktayuk wichkana wasikunata sinchiyachinapak mushukyachinapak, wamrarak llakichikta rikunapak, shinallatak pakta llamkay katinapak mañaypi kimirinkapak, kaypi hayñikunta ukllanapak shinallatak kasiklla kawsayta charinapak ashtawanka wasi ukupi pakta kawsanapakpash.
PV/cg-k
