Mikuna unanchayta paktanapak alli llaktayta chayachinata sinchiyachinapak ruraykunata kallarichinami, kay Ley para la Defensa y Desarrollo de la Economía Familiar Campesina kamachiy ruranapak shuk hatun yuyay churashka, Mamallakta Tantanakuymi ishkayniki rimanakuypi Virgilio Saquicela kamachiy killkak pushakuywan arinirkakuna.
Kamachiy rurana killkataka Llakta pushakmi chawpita allichinaman tikrachirka, kay allichina killkataka Kamachiy Awlli llamkayman shamuk hunkaypi tikrashpami paktankakuna.
Kay kamachiy rurana killkawanka runa paklla wasi ayllukunapak kullkillamkaytami wiñachinapak mashkakunkuna, ruraykunata pakta katichishpa llamkanata, mintalanaman paktarinata, yachaywan kullkiwanpash yanapanata shinalaltak kaypi rurashkakuna paktanawan tinkichishpapish.
Ashtawanka, kaypi llamkakkuna, rurakkuna sinchiyachun tantarichunpashmi yanapanka, kayshina kikin kawsayta, ruraykunatapash pakta charichun shinallatak pachamamapak tawkapura kawsayta charishpa katichunpash; Runa ayllu llaktakuna shinallatak llaktakunapi llamkakunapash tarpunapi mayllaman paktarikta rikunapak, ashtawanka wasi paklla ayllukuna tarpushpa mayllapi kawsashkata riksinapakpash.
Shinallatak allpata, yakuta, ashtawanka pachamamapi tiyashkaman; muyukunaman, mushuk antakunaman shinallatak tarpunapak tukuy mutsushkamanpash paktarina hayñitapash sumaychan; shinallatak shuk llaktapi kawsak ayllukuna kikin allpapi kawsanapak, makipuranapakpash hayñikunata paktachin.
PV/cg-k
