Istallaktaman alli nikichishka, ukllashka, rikurayashka shinallatak sumaychashkata yallichinkapak ashtawanka Ecuador llakta ayllukunata istallaktapi wañukpi wasi ayllukunaman wañushkata chayachinapakmi kay Ley de Movilidad Humana kamachiy rurana killkapi ishkay hatun paktana yuyaykunaka kan, kaytami Mamallakta Tantanakuypi kunan pushakkunawan arinirkakuna.
Kay kamachiy rurana killkapika, Ecuador llakta ayllukuna istallaktapi wañukpika LLaktachiymi kikin kullkiwan apamunka nin. Kay paktarikunaka tukuyta pakta rikushpami yallinka, chaypakka istallaktapi wañushkapak wasi ayllukuna mana kashkapaka mañakkunapak kawsaykullki mana pakta kashkata riksinka, kayshina wañushkata istallaktamanta apamunapak mana kullki charishkata yachankapak.
Kamachi killkakkuna rimanakuypika Ecuador llakta ayllukuna karuyashkata yuyarinami kan nirka, alli kawsayta mashkashpa yallikunapi urmashkata shinallatak istallaktaman pakalla pushakkunawan llaki tukushkata, ashtawanka runa llakta ayllukunata yanapanami kan, nirkami.
Shuktak mañaykuna
Kayshuk kamachiy rurana killkapika istallaktaman purinapa shinallatak allinta nikichinapak, ukllanapak, chaparanapak shinalaltak sumaychanapak, istallaktaman purinapak llaktayta rikurashpa pakta katinapak.
Ayllukuna purikkunapak iñiykunata pakta rikunatapashmi sumaychan, llakta shuti kushkata anchuchinapak shinallatak llakta illakta rikunapak, istallakta ayllukunata pushanapak ashtawanka kari warmi wawakunata, wamrakunatapash, tukuy rikunata allichishpa llakta illak kashkata riksinkapak yanapankapakpash, mañaykunapak shukllanchishpa mañashka kachun, runapak kawsayta tukuy mañay paktanatapash rikurashpa, shinallatak ayllukuna purinapak sumaychaykunatapash katishpa.
Purikuk ayllu pushakkunata llakta shuti anchuchishkata istallakta ayllukunaman willachun mañan; ayllukuna llakta illaklla sakirina rikurikpika llakta shutichishkata anchuchinata harkan; shinallatak, llaktaman ayllukuna chayamuna harkayka chikanyachishpa rikushkallami kanka, nin.
PV/cg-k
