Sumak yachana wasikuna, escuelas politécnicas yachana wasikuna shinallatak mushuk yuyay mashkay wasikunapash istallaktamanta llamkaypi yanapayta shinallatak mana kutichina kullkitapash chaskiy ushanmi, kay yanapaytaka Ecuador llaktapi hatun pushakwanmi paktay ushanka.
Kayshina paktaykunaka Código de Planificación y Finanzas Públicas kamachiy mushukyachinata Mamallakta Tantanakuypi arinishkawanmi paktarinka, chaypak ñawpaka llaktayukkunawan, tantanakuykunawan, ashtawanka sumak yachana wasikunawan, llaktapak yachana wasikunawanpash achkata rimanakushka kipami paktarika.
Kay mushukyachishka kamachiyka Mamallakta Tantanakuypi, Virgilio Saquicela kamachi killkak pushakukpi 29 kamachiy arinishka ukupimi kan, mushuk yuyaykuna mashkanata, mushay yachaykunaman kimirinata, wiñaymanta riksishka antakunata ruraykunatapash sinchiyachina munaywan ashtawanka Ecuador llakta ayllukunapak sumak kawsayta kutin kallarichinapakmi yanapan.
Ashtawanka, mushuk yuyaykunaman, antakunaman yaykurina willachinatami sumaychan kay mashkaykunaka allu yuyayta, pachamamanta, kawsana pachata shinallatak wiñaymanta charishka yachaykunatapash kutin charinatami sumaychanka.
Kamachi rurana killka Llakta pushakpak makipimi, Mamakamachiy shinallatak Ley Orgánica de la Función Legislativa kamachiy rikuchishkata katishpa arininka nakashpaka allichinaman kachanka.
PV/cg-k
