Chikanyashpa pushakkunaman llamkaykullkita runa ayllukuna mutsushkapi yanapachun chayachinami, kay Código Orgánico de Organización Territorial, Autonomía y Descentralización (Cootad) kamachiy mushukyachinapak yuyayka kan, kaytami Mamallakta Tantanakuy, Virgilio Saquicela kamachi killkak pushakuk ukupi arinirkakuna.
Kay kamachiyka mamakamachiypak 272 niki killka mushukyachishka paktachinatami pushan, 2021 watapi arinishka, kaypika chuskuniki yuyayshinami maka pushakkunaman llamkay kullkita chayachina, mashna kilómetros niki tiyashka, ñankunata ruranapak rikushkatami chaparashpa paktanka.
Kay Consejo Nacional de Competencias tantanakuy, llaktapak llamkayta pushakkunwan makipurashpa, mamakamachiywan paktarishkata rikurashpa riksinkakuna shinallatak marka pushakkunaman mashna llamkaykullki chayachinata yachankakuna.
Kay kamachiyka Mamallaktapak Wata Llamkaykullkita mana mirachinchu, ashtawanpash llamkaykullkitami GAD pushakkunaman pakta rakinta kayachin shinallatak alli paktarinatapash rikuran, shinallatak paktayta chaparan kayshina tukuykuna makipurayta shinallatak runa ayllu llaktakunaman chayanata sumaychanapak.
Kamachi killkakkunaka ninmi, kay kamachiyka llaktakuna wiñarinapak llamkay kullkita pakta pakta chaskinkakuna.
PV/cg-k
