Kamachiykunata allichinapak arininapakpash rimanakuymi ancha mutsuriy kan, chaymantami Mamallakta Tantanakuy, Virgilio Saquicela kamachi killkak pushakuypika hatun yuyayuna kan.
Kay 31 puncha aymuray killa 2022 wata, Virgilio Saquicela kamachi killkak, Mamallakta Tantanakuyta pushay kallarishpaka llaktayukkunata, ayllukunata shinallatak llaktaypi llamkakkunata; shinallatak Llaktapak kawshuk llamkak wasikunatapash rimanakushpa Llamkay paktarinapak, allikanapak shinallatak mushuk yuyaykunapakpash kayachirka.
Kay pachamantami, llaktayuk chaypikanata shinallatak llamkaywasi sinchiyanapakpash rimanakuy ñan kashkata arininkuna. Chaymantami, llaktayukkuna chaypikashpa kawsanata shinallatal llamkaywasikuna sinchiyanata tawkapura kawsaypi, allikashpa, pakta pakta charinapak yanapan.
Kullkichuray
Virgilio Saquicela kamachi killkak mañashkamantami, Rimanakuy Pataku kallarirka kaypika Llakta pushakwan yuyaypaktarinkapak, ashtawanka kullkillamkay shuktakyay mañay paktarinamanta.
Rimanakuy patakuka ishkay yuyaykunapimi llamkarka, pakchipi shinallatak llaktaypipash, shinallatak 85 patsaktami Llakta pushak kullkillamkay chayachishka killkapi paktarka shinallatak kay killkawanmi Ley para la Transformación Digital y Audiovisual Kamachiyta kullkillamkay wiñaricun, istallakta llamkaywan paktarichun, shinallatak llaktapí uchilla hatun shuyu kuyuriy ruraykuna sinchiyachun tukuymanta llamkaykullki mirarichunpash arinirkakuna.
Kasikllakay
Ashtawanka, Saquicela pushakka Ishkayniki Pataku Rimanakuyman kayachirka, kay kutinka llaktayuk pakta kawsaypi shinallatak Mamallaktachiymanta yuyaykunata rimanakunkapak. Kay rimanakuymanka Llakta pushakmanta, Función Judicial, Policía Nacional, Fiscalía, Defensoría Pública, Defensoría del Pueblo tantanakuymanta mikarishkakuna, shuktakkunapash chayamurka. Llaktapak ushay tantanakuykunamanta rikuk kamachiytapash kallaripi mushukyachinapak rikunka.
Kayshina makipirashpa llamkashkawanmi Cuerpos Legales para el Fortalecimiento de las Capacidades Institucionales y la Seguridad Integral kamachiyta sinchiyachinapak tawka kamachiyta mushukyachik kamachiy rurana killkapak llamkaywillayta ishkayniki rimanakuypi riksinapak allichirkakuna, kay yuyaykunatami Soberanía y Seguridad Integral Minkarishka ukupi 19 tantarinakuypi allichirkakuna, kay rimanakuymanka Fuerzas Armadas, Policía Nacional tantanakuykuna, llaktapak llamkaywasikuna shinallatak yachakkunapashmi chayamurka.
Minkarishkakunaka kamachiy ruranapak 300 yalli rikuchishka yuyaykunata, mañaykunatapashmi riksirkakuna, kay yuyaykunatami llamkaywillayta allichinapak riksirkakuna.
Puchukaypika, Mamallakta Tantanakuyta pushakpashmi Anticorrupción Pataku rimanakuyman chayarka, Llakta pushak kayachishkamanta, Llaktapak llamkaywasikuna, tantanakuykuna, llaktapak wanurikunapashmi chaypikarkakuna. Kaypi rikurishka yuyaykunami corrupción llakikunata chimpapuranapak mushukyachinapi kimichishka kankakuna.
PV/cg-k
