Mamallakta Tantanakuymi bizcochos tantata, panka makinchuta shinallata ñuñu mishkita, llamkayta wiñachinapak, ruranapak, shinallatak llakta riksichinapak llamkashkamanta riksishpa unancharka. Chaymantami, pushak, Virgilio Saquicela, tawka kamachi killkakkunawan, mikunata wiñay pachakunata wakichishpa llamka Cayamabe kiti llakta ayllukunaman kushiyashpa chayachirkakuna.
Mamallakta Tantanakuyta pushak, Virgilio Saquicela kamachi killkakka kay llaktapi mikunapi sinchiyta pakta yuyaywan llamkashkamanta riksirirka, paykunami llaktapak sinchita llamkashkamanta shinallatak ista llakta ayllukunata riksinaman kayachishkamanta riksirirka.
Kayshuk manyamanta, Yeseña Guamaní kamachi killkakpash kaypi llamkakta, ruraykunata, mintalakkunata, llakta riksichik ayllukunata yupaycharka. "Mikuna charina, kawsay tarpuna shinallatak wiñaymanta charishkatapash rikushpa katina ashtawanka llamkay sinchiyachun yanapana" nirka. Ricardo Ulcuango kamachi killkak Cayambe kitika Ecuador llakta mikunata wiñayta charishpa katinapak akllashkami kashka, nirka.
Segundo Méndez shinallatak Patricio Vélez, productores de bizcochos San Pedro tantanakuymanta ayllukuna, Mamallakta Tantanakuyta yupaychashka kipa, kayshina ruraykunaka llaktayukpak llamkayta wiñachina shinallatak Cayambe kiti, Ecuador llaktapak llamkaykullkitapash mirachin, nirkami.
Luis Chávez, kay Corporación Quesera Producayambe tantanakuymanta runaka, shuktakmanta, kayshina ruraykuna paktarishpa llaktapak kullkillamkaypimi yanapashka nirka, istallaktaman mintalaywan chayashkanchik kay Feria Internacional del Queso hatun raymipi mishanakunaman, Ecuador llaktapi rurashkata riksichishpa shinallatak kay llaktapi maninchu ruray paktashkata rikuchishpapish.
Kay Asociación de Vendedores de Bizcochos 3 de Noviembre Tantanakuypak shutipi, Isabel González warmika 1960 watamanta imashinalla llamkay kawsashkatami rimarka, kay pachami tantanakuy kallarirka nirka. Ñankunapi sinchita llamkashkata kay kutinmi Llaktapak llamkaywasimanta riksirishka, Mamallakta Tananakuy kay kutin riksirishka.
Puchukanapak, Mamallakta Tantanakuyka 23 puncha Sitwa killata “Día Nacional del Bizcocho, Manjar y Queso de Hoja” shutichirka, shinallatak llamkakta, Cayambe kitipi mikunata, ruraykunata, mintalayta shinallatak llakta riksichiytapash tantanakushpa bizcocho tantata, mishikita, panka makinchu rurakkunata riksishpa unancharka.
Glosario
KC/pv/cg-k
Ashtawan shuyukuna:
