Llamkayka No. 834 niki rimanakuywanmi Mamallakta Tantanakuypi, Virgilio Saquicela, pushak kamachi killkak 10h00 pacha awkarik puncha 10 puncha kulla killapak rimanakunaman kayachirka, kaypimi fomento del empleo, la seguridad y la defensa de los derechos de los trabajadores kamachiy allichinaman kachashka killkata riksishpa allichinkakuna, kay killkakunaka Kupi kamachiypi willachishpa riksichinkapak shinallatak paktarinaman yaykuchunpash.
Kallaripika Ley para Impulsar la Economía Violeta kamachiy rurana killkata allichinaman kachashkata riksinkakuna, kay kamachiyka warmikuna pushayman yaykushka llakta llamkay wasikunapi harkaykunata ashayachinatami mashkakun, llamkay killa kullkita ashalla hapinata, mamakuna wawata chuchuchinapak samana pachakunata, llamkay wasipi kari warmi imalla paktarina, shuktakkunata. Shinaka, Desarrollo Económico Minkarishka Mamallakta Tantanakuyka Llakta pushak allichinaman kachashkata hapichun rikuchin.
Kipaka Ley de Personal y Disciplina de las Fuerzas Armadas kamachiy rurana killkata riksishpa allichinkakuna, kay kamachiyka ñawpa 30 watakuna yalli rurashka kamachiypak rantimi paktarinka shinallatak kay llaktapi llakikunata chimpapuranapak yanapanka. Kay kamachiyka awkakuna llamkay paktarinata, akllarinata, pushanapak, llamkakkanapak yachayta, awkakuna kasiklla kawsanata, pakta yachanata, chikan yachayta, yachashpa katinatami allita riksichinka, awkakuna yachashkata shinallatak llamkay charinapash sumaychanka, shinallatak kay awkakunapak llamkayta kasiklla katianapak ruraykunatapash sinchiyachin.
Kay Ley Reformatoria a Varias Leyes para la Defensa y Garantía de los Derechos Individuales y Colectivos de los Trabajadores kamachiy rurana killkata allichinaman kachashkataka Derechos de los Trabajadores Minkarishkapimi riksirkakuna, kaypika kimsa killkamanta ishkaytami Mamallakta Tantanakuy kallaripi allichishkata shinallatak sakichunmi riksichinkuna. Kutinpash nirka, shuktak rikuypika, llamkana pachakunata ishkaypi rakishka kana kanka, llamkachikkuna yuyaypaktarishka kipa 30 chinikuwan shinallatak kallari chusku saywakuna llamkashka kipamantaka ishkay saywakama. Kimichishka llamkayka kay Código del Trabajo kamachiypi rikuchishkata mana yallina kanchu.
Kay No. 697 niki rimanakuyka, 14h00 pacha chishipakmi kayachishka, kaypika Código Orgánico para la Protección Integral de las Niñas, Niños y Adolescentes kamachiy rurana killkatashinallatak Ley de Seguridad Social de la Policía Nacional kamachiy rurana killkatapash ishkayniki rimanakuypi riksinka.
Puncha rimanakuypika Warmikunata wakllichiyta, warmikunata millanamanta shinallatak llaktay wakllichinamanta harkanapak yuyarinakushka killkata riksichinkakuna; shinallatak, tukuy llaktapi COVID-19 unkuypak hampitusnay churanapak ruraykuna paktashkatami ri
Shinallatak 15h00 pacha chishipakka No. 778 niki rimanakuymi katinka, kaypika Ley de Creación de la Universidad de Seguridad Ciudadana y Ciencias Policiales kamachiy rurana killkatami allichinkakuna, Ecuador llakta tukuy ayllukunaman sumak yachayman paktarichun kayshina llaktayuk kasiklla kawsanapak mutsushkata yachachun shinallatak llaktayukta alli chapanapak yachakkuna kachunmi mashkakuna, kay yachakkunaka llaktamanta, chikanyashpa kikin pushakkuna shinallatak shukllapak llamkaywasimantapashmi ruraykunapi yanapak ayllukuna chaypi kanka.
Kipaka 15h30 pacha chishipakmi No. 835 niki rimanakuypi kay Ley de Fomento y Desarrollo Sostenible del Sector Cafetalero kamachiy rurana killkata shuk niki rimanakuypi riksinkakuna, kay kamachiywanka kay llaktapi pakta llamkak ayllukunata tantanakuykunatami sinchiya pushanapak, wiñachinapakpash yanapanka; kayshinami shañu tarpukkunata allichikkunatapash yanapanka. Ashtawanka, Shañu tarpukkunatami kuyuchinka, chaparanka, wakichinka, sumaychanka shinallatak sinchiyachinapash; shinallatak, allichinapak murukunata charinapak, wiñachinapak, ruranapak, kipinapak, wakichinapak, shutichinapak, apanapak shinallatak paltanapak, mintalanapakpashmi rikurashpa yanapanka.
Puchukaypika, Ley para la Acción Voluntaria kamachiy rurana killkatami shukniki rimanakuypi riksishka kanka, kay kamachiyka kay llaktamanta shinallatak istallaktamanta mana kullkita mashkashpa yanapak tantanakuykuna, killkarishka kakpi, paykuna paktanta, killkarinata, kuyuchinata, riksirinata, shinallatak llaktayukkunawan tantanakushpa paktarinatami rikurankakuna.
Glosario
Hampitusnay: Vacuna
Café [producto]: shañu
Garantizar: Sumaychana
PV/cg-k
