Mamallakta Tantanakuy, kay hunkaypak awkarik shinallatak chillay punchami, Mamallaktachiypak llamkaywasikuna kay 2022 watapi paktashka llamkaywillay riksichishkata uyankakuna, kay paktaykunaka Ley Orgánica de la Función Legislativa (LOFL) kamachiy rikuchishkamantami.
Kay Ley de la Función Legislativa kamachiypak 47 niki killkapika Función de Transparencia y Control Social, Consejo de la Judicatura, Tribunal Contencioso Electoral shinallatak Consejo Nacional Electoral, el Defensor Público, Fiscal General del Estado, Contralor y Procurador General del Estado tantanakuy pushakkunami ñawpa watapi llamkashkata shamuk wata, kulla killkapak kimsa hunkay ukupi watan watan riksichichun mañan.
Mamallakta Tantanakuyta pushak, Virgilio Saquicela Espinoza mañashkamanta, No. 873 niki rimanakuyman kay awkarik 17 puncha, kulla killa, 2023 wata, 10:00 pacha tutamantapak kayachirka, kaypimi Función de Transparencia y Control Social shinallatak Consejo de la Judicatura, ashtawanka Defensor Público shinallatak Fiscal General del Estado tantanakuy pushakkunapak llamkaywillayta riksinkakuna.
Shinallatak kay No. 838 niki rimanakuyka, chillay 18 puncha, 10h00 pacha tutamantami Contralor shinallatak Procurador General del Estado, Tribunal Contencioso Electoral, Consejo Nacional Electoral tantanakuyta pushakkunapak llamkaywillayta riksinkakuna.
Kamachiyka ninmi, Mamallakta Tantanakuymi shukta nakashpaka tawka Minkarishkata wiñachinka, paykunami 30 punchakuna ukupi chayachishka llamkaywillayta riksinkakuna.
Chayachishka llamkaywillayta minkarishkapi riksishkata, Mamallakta Tantanakuy shuk rimanakuypimi llamkaywasi pushakkuna llamkashkata riksishpa rimanakunkakuna.
PV/cg-k
