Kay Ley de Transparencia y Acceso a la Información Pública kamachiy kay Kipu Kamaypi shamuk punchakuna riksishka kanka, Llakta pushak, Guillermo Lasso, allichinaman kachashkata Mamallakta Tantanakuy riksishka kipa.
Kay kamachiyka llaktapak willay hapinaklla, utkashpa, tukuy, iñishka kanatami sumaychan, kayshina llakta ayllukunapak hayñita paktachichun shinallatak Llaktapak Mamakamachkiypi shinallatak Ecuador llakta arinishka istallakta kamachiykunapipash arinishka kachun, kayshina llaktapak llamkaywasikunapak iñiyuk pakta kachun.
Ashtawan, kamachiyka ukllanapak, sumaychanapak, kuyuchinapak shinallatak llaktapak willayta sumaychanapak hayllitami mirachin; kallaripi hatun yuyaykunaka kaykunami: runapak hayñi, kari warmi, wiñanakuypura, kimichina shinallatak kawsaypirapi.
Rosa Mayorga kamachi killkak, Participación Ciudadana minkarishkapi allichishka llamkaywillayta riksichik, kaypika Defensoría del Pueblo tantanakuytami llaktapak willayta chayachinapak chaparinapakpash rikuk pushak kachun mañarka shinallak Ayllukunapak Shutita Superintendencia ama kachunpash, llakta pushak mañashka shina. Chayshinallatak, Defensoría del Pueblo tantanakuymi kay kamachiyta mana paktachikpika wañachinapak taripanka, ninmi.
Mamallakta Tantanakuyka 20 killka nikikunapi shinallatak Mamallakta Tantanakuy kallaripi killkashkapimi kutin arinirka. Ashtawanka, Llakta pushak 27 killkata allichinapak rikuchishkamantaka kanchishpimi arinirkakuna.
Llaktapak willayman yaykunapak hayñika mashkanapak, chayanapak, paktanapak, taripanapak, willachinapak, mashkanapak, chaskinapak, kuskinapak, kutintantachinapak shinallatak willayta kutinpash rakinapak. Tukuy rurashka, tantachishka, hapishka, shuktakyachishka nakashpaka apanatak charishka willaykunata shinallatak tukuy llatayukkuna paktanalla shinalltak kay kamachiypi churashkata paktachinalla kachun.
KC/pv/cg-k
