Mamallakta Tantanakuyka Llaktapi Hampinata ñawpa pushak, Ximena Garzón runata, llaktay ñawinchiyman kayachinapak yuyarinakurka, Mamakamachiyta shinallatak kamachiykunata mana pakta katishkamanta, kay mañaytaka Ricardo Vanegas shinallatak Nathalie Viteri kamachi killkakkunami mañayta chayachirka, llaktapak hampina wasikunapak mawkayashka hampikunata shinallatak charinakunapash rantishkamanta, kay mañayka Ley Orgánica de la Función Legislativa kamachiypak 83 niki killka, 2 yupay killkapi rikuchishkata katishkami kan.
Mamallakta Tantanakuy ukupi Llaktay Ñawinchiyman kayachinapak yuyarishka kipa, Mamallakta Tantanakuyta pushak, pichka punchakunata mana yallishpami, Mamallakta Tantanakuy llamkanapak llaktapak llamkaywasi ñawpa pushakta wanachinapak kishpichinapakapash llaktay ñawinchiyman kayachinka. Kay taripaypika wanachina shinalaltak ishkay watata llakapak llamkay wasipi llamkanapak harkanatami churanapak kamachiy rikuchin.
Ricardo Vanegas kamachi killkak, llaktay ñawinchiyta shuk mañak, kay Fiscalización Minkarishka ukupi taripay paktakuypika llaktapak llamkaywasita ñawpa pushak Ximena Garzón paypak llamkayta mana pakta churashkami llaktapak hampina wasipi rikurin nirka, hampina illashkamanata, shinallatak llaktakunapi hampina wasikunapipash illashkamanta, nirkami.
Kay Minkarishka ukuman unkushka ayllukuna shinallatak wasi ayllukunapak llakinay willayshkatami chaskirkanchik, paykunapak nanaykunapi pakta yanapay illashkatami riksichirkakuna, hampi mana tiyashkamanta nakashpaka chayachina kipayashkamantapash, wakinpikarin shuktak hampikunata chayachishkamanta, kayshina llakikunaka unkushkakuna anchayaypimi paktarishka nishpami yuyachirka.
Rimanakuypika, iskun kamachi killkakmi rimarirkakuna, llaktay ñawinchiy mutsurishkatami rikurkakuna, Ximena Garzón warmi llamkaypi ña mana kashkata rikushpapish, shinapash hampikuna rantinapi shinallatak kay Red Integral de Salud Pública paktaywan hampina wasikunaman hampikuna chayachina kipayashkata riksina mutsurinmi nirka.
Shinallatak rimarishpa nirkakunami kay llaktayñawinchiyka achka kipayashkami ashtawanka Mamallakta Tantanakuypak shuktak llamkaykunami shuyakun nirkakunami, kayshina Ecuador llakta ayllukuna mutsushkata yanapanapak, nirka.
EG/pv/cg-k
