Mamallakta Tantanakuyka churashkata paktachina yuyaywanmi Seguridad Integral; Justicia; shinallatak Garantías Constitucionales Minkarishkakunaka ñawinchiyta, llaktay chaparayta ruranapak rikuchik pushak killkata arinirkakuna, kaypika Policía Nacional, las Fuerzas Armadas, el Cuerpo de Seguridad y Vigilancia Penitenciaria; shinallatak, Función Judicial tantanakuykunata akllanapak, kutin wallpanapak, sinchiyachinapakpash mashkakun.
Kallaripika ruraykunata, muhunkunata shinallatak tantanakushpa llamkanapak imalla kallaripi mutsurishkatami riksinkakuna. Kaypika kamaypi paktashka yuyaykunata rikunapakmi riksirinka shinallatak Minkarishkapi imalla paktakushkata chikanyachishpa riksinkapak, kayshina tukuyta wankushpa riksinkapak.
Tantachishka yuyaykunawanka llaktapak llamkaywasikuna imalla mutsushkata, ushashkata, llakirinallata, wakllirinalla kashkata riksinkakuna, kaywanka, puchukaypika, llamkaykuna paktanapak ruraykunata rikuchik sunikunata churanapak.
Kay ruranakunaka llaktapak llamkana wasi pushakkunata chaypi charinka, yachachikkuna, llaktayukkunapash, kayshina llaktapak llamkana wasikunapi llaktayukkuna kutin iñiyta chayachichun shinallatak kunkariytapash chimpapuranapak.
Patricia Núñez kamachi killkakka kay llamkay may allimi llakta mutsushkami nirka, punchantami chapashpa llamka wasikuna wakllirishka willayta shinallatak kay Policía y Fuerzas Armadas tantanakuypi llamkakkunapash llakipi urmashkata uyanchik, kaymi llakipi kawsakushkata rikuchin shinallatak ayllukunapash llaktapak llamkana wasikunapi mana iñinkuna.
BG/pv/cg-k
