Mamallakta Tantanakuykapi, chaypikak 126 kamachi killkakkuna apushitashkawanmi, kay Ley de Incentivos a la Pesca Artesanal kamachiy rurana killkata arininkuna, kaywanka chalawata makiwan hapishpa llamkakkuna kullkita mañachun, shinallatak ashalla wawakullkita chayachishpa llaktapak llamkakkuna sinchiyachunmi yanapanka.
Kay kamachiyka makiwan chalwata hapishpa llamkakkuna Mamallaktachiymanta pakta yanapayta mana chaskishkamantami chayachin, punchanta chalwata makiwan hapishpa llamkakkuna achka llakikunata charin shinallatak wakllirikunapipash urmashkakuna, llakikunaka mintalana chani mana pakta kashkamanta, llamkana wasimanta yanapay mana tiyashkamanta, achka antanikichik mana chayashkamanta, ashtawankarin mamakuchapi chalwata hapikkuna llakipi urmashka wañushkakunapash.
Ashtawan hatun yuyaykunapika, makiwan llamkakuna, tantanakushpa llamkakkuna, tantanakuykunapash kullki mañayman yanapaycha chashkipash paktachun, shinallatak kay kullki mañashkapash ashtawan mirachishka kachun.
Llamkayta sinchiyachinapak kullkita mañachik wasikunapash watan watanmi mañachinapak kullkita chikanyachishpa mirachinka, chaypakka Ministerio de Comercio Exterior, Industrialización y Pesca llamkaywasi Llakta pushak kay Plan Nacional de Desarrollo churashka llamkayñanwan paktarichishkami kanka.
Chayshinallatak, Llaktapak shukllapak kullkiwasikunapash kullkita mañachishka pachakunata mirachichun shinallatak ashalla wawakullkita chayachinapak rikuchin, chaypakka Junta de Política y Regulación Financiera tantanakuymi makiwan llamkak ayllukunaman kullkita mañachishkamanta wawakullkita ashayachinapak rikuchin.
Galápagos yanapanapak
Kay rimanakuypika, Mamallakta Tantanakuy llaktayukta chaskina pachapi Grace Unda Romero, kay Corporación de Organizaciones Pesqueras Artesanales de Galápagos tantanakuyta pushakmi chayamurka, payka Mamallakta Tantanakuymanta chalwata makiwan hapishpa llamkakta yanapanapakmi leyes de Régimen Especial de Galápagos y de Acuacultura y Pesca kamachiypi rikuchishkamanta paktashpa, kay yawanti llaktapi chalwata makiwan hapishpa llamkakta yanapankapak.
Kay kamachiyta arinishka kipaka, llamkay ishkay puncha ukupimi, Llakta pushak riksishpa arinichun nakashpaka allichinaman kachachun pash chayachinka.
EG/pv/cg-k
Ashtawan shuyukuna:
