Mamallakta Tantanakuy shukniki rimanakypi kay Ley para la Institucionalización del Festival Internacional de Artes Vivas de Loja como Espacio de Encuentro y Fomento de las Expresiones Culturales e Identidad del Ecuador kamachiyrurana killkata mushukyachinata shukniki rimanakuypi riksirka, kay kamachiywanka Loja llaktapi kawsaytarpuyta sinchiyachinka, kayshina kuchulla llaktakuna ayllukunapash riksinaman chayanata kuyuchishpa.
Kamachiy ruranapak mañashka killkaka chusku pushakyuyaytami charin: takik ayllukunapak llamkaykullkita chayachina; yachakukkuna takiy ruraykunapi chayanapak kayachina; raymikuna ruranapak yuyaypaktarinata allichina; shinallatak, Loja llakta kishpiriashkata raymi shutiyachishpa, tukuy llaktapi paktarinapak churana.
Manuel Medina kamachiy killkak, Eduación Minkarishkata pushak shinallatak kay killkata riksichikka, kay Festival internacional de Artes Vivas de Loja shinallatak kay Programa Nacional “Camino a Loja” raymipash Ecuador llakta, markakuna, runa ayllukunapak kawsaypipash achka riksichikmi kan; wiñaykawsay hayñita paktachinapak ruraykunata shinallatak Ecuador llakta ayllukunapak wiñaykawsayta riksichinapak pampa kachun; shinallatak, tawka kawsaypura tukuy llaktapi rikurinapak pampa kachun kayshina llaktata shinallatak istallaktatapash yanapanapak ashtawanka kay llaktapi kullkillamkayta sinchiyachinapak.
Nirkapashmi kay kamachiy rurana killkawanka llaktakunapi, kawsaytarpuypi, takik riksichiypipash tawka kawsaypura rimanakuyta sinchiyachin shinallatak achka ayllukunata alli yanapanapak takik ayllukunatapash rikunapak yanapan kayshina ruraykunawan kawsaytarpuyta pushak shuktakyashkata rikunkapak.
Kay kamachiy rurana killkataka Asociación de Municipalidades del Ecuador; Universidad Técnica Particular de Loja; Corporación de Ferias de Loja; Casa de la Cultura núcleo Loja shinallatak Zamora; Ministerio de Cultura y Patrimonio tantanakuykunapi; shinallatak parlamentaria Andina Verónica Arias runa; Loja Marka pushak;Kitita pushak; Cámaras de Turismo y de Comercio de Loja tantanakuykunapi riksichishka karka.
Rimanakuypika, Byron Maldonado kamachi killkak, kay yuyarinakushka killkata arininapak chayachikka Loja llaktaka takikunata, charinakunata shinallatak kay llaktapi wiñaykawsaytapash mana shimillapi charinapakmi chayachinchik nirka. "Mamallakta Tantanakuymanta shinallatak Llakta pushakmantapash llaktapak llaktayta sinchiyachinapak yanapan; chaymantami kayshina llamkayta mirachina kanchik. Kay festival de Artes Vivas y la Feria de Loja raymika llaktapak kullasuyupi riksinaklla ruraykunami kan, chayamantami sinchiyachina mutsurin", nirkami.
Johanna Ortiz Kamachi killkakka kay raymi tukuy llaktapi riksirishka sakirinami ancha mutsurin nirka, kay artes vivas ruraykunata sinchiyachina shinallatak istallaktaman riksichinapakmi mashakkun nirka.
Kamachiy rurana killkataka yachaypi, kawsaytarpuypi kimirishka llaktayukkuna makipurashpa llamkashkami, kay Raymi shinallatak Programa Camino a Loja ruraykunapash watan watanmi mana harkarishpa rurarinatak kanka; sasi killami Loja llaktapi shinallatak ñawpa killakunapash tukuy llaktapak kitikunapi riksichishka kanka.
Rimanakuy wichkarina ñawpaka, Mamallakta Tantanakuyta pushak, Virgilio Saquicela kamachi killkakka tukuy kamachi killkakunatami Educación Minkarishkaman yuyaykunata chayachichun mañarka paykunami chayachishka yuyaykunata tantachishpa shuk llamkaywillayta allichinkakuna.
RSA/pv/cg-k
