Kay Mamallakta Tantanakuypak Nela Martínez wasi ukupi, Ecuador llaktapi kallari warmi kamachi killkakta yuyarishpa shutichishkapimi, Grupo Parlamentario por los Derechos de las Mujeres Wankurishkakuna kay 8 puncha Pawkar killa, Día Internacional de la Mujer punchata yuyarirkakuna, kaypika llaktaypi, llaktay llakichiypi warmikunata wakllichishkamanta rimanakunami kan.
Kay rimanakuypika tawka markamanta pushakkunami chaypi karkakuna, Ana Herrera, kamachiy awlli wankurishkata pushakka, paykunapak llakta allpamanta yuyaypaktarishpa warmikunapak alli kawsay mashkaypi llamkanapak arinirkakuna. Llakta pushakkunami kari warmipak kawsayta wakllichinata harkana ruraykunapi llamkanaman kayachishka kankuna shinallatak kay paktarikunawanmi kari warmi pakta pakta alli kawsayta charinakuna, nirkami.
Alison Vásconez, kay ONU Mujeres wankurimanta, llakta pushanapi warmikuna chaypi kana allimi nirka, kayshina watanta llamkayman mana paktashkapi yanapankapak , ashtawankarin warmikuna pakta hampirina, yachay yanapayta charichunpash.
Runa llaktamanta warmikunaka wakllirinalla wankurimantami kankuna, kiti warmikunamanta kimsa kutinwan yallishpami runa warmikunaka wakllirina kankuna. "kari warmi pakta pakta kanaka kamay paktarishkami kan. Warmikunapak hayñi paktarichunka llakta pushakkunami pakta llamkana mutsurin", ninmi.
Mónica Vanegas, kay Fundación Haciendo Ecuador tantanakuyta pushak; shinallatak, Miguel Ángel Hernández, IRI Ecuador Rurak Tantanakuyta pushakpash, llaktapi warmikuna yaykunapak tawka hayllikunami tiyan nirkami, kayshinami warmikuna wakllirishkata anchuchinapi yanapashun. Shinallatak llakta pushakkuna shamuk akllaypika llaktay wankurikunaka kari warmita pakta pakta churanapak kayachishkami kankuna, shinaka warmikuna ashtawan chaypikachunmi shuyakunchik, nirka,
Puchukanapakka, Wankurishka warmikunaka Código Orgánico de Ordenamiento Territorial, Autonomía y Descentralización (Cootad), la Ley Orgánica Integral para Prevenir y Erradicar la Violencia Contra las Mujeres y su reglamento kamachikunawan shuk kipitami kararkakuna.
Chaykipaka Herramientas para la Formulación de Políticas Públicas yachaymanmi chayarkakuna, Priscila Moreno runa kay Centro de Innovación Disruptive wankurimantami yachachirka.
BG/pv/cg.k
Ashtawan shuyukuna:
