Mamallakta Tantanakuyka Relaciones Exteriores Llaktakamak wasiwan, Llakta Pushakpak Willachik killkamayukwan, Fuerzas Armadas shinalaltak Policía Nacional tantanakuuywanpashmi pakta rimanakuyta charishpa shamurka, Mamallakta Tantanakuy llamkaypi kallarichun shinallatak Llakta pushak, Daniel Novoa Azin, llamkay kallarichinapipash.
Mamallakta Tantanakuy Tukuy Llamkachik, Miguel Pesántez, kunanpak kaynami akllarishka kamachi killkakkunawan shukniki rimanakuyta charirka, paykunamanmi kay shuk awaki 17 puncha saki killakama imalla chayachina mutsurishkata riksichirka, kay pankakunami shamuk 20 puncha sasi killa llamkay kallarinapak arinichinka. Kay rimanakuyka ñawpa mana tiyarkachu, llaktaka kay kutinmi "muerte cruzada" paktayta charirka shinallatak llaktyukmi, apushitaywan, Kamachiy Awllikunata akllarka.
Kallaripi rimanakurka, chikan chikan, kamachi killkakkuna ashtawan apushitay chaskikkunawan: Pierina Correa, Patricio Carrillo shinallatak Valentina Centeno, paykunami kay Ley Orgánica de la Función Legislativa kamachiypak 10 niki killkawan mañashkamanta shukniki rimanakuyta kallarichichun mañan.
Ashtawanka, Tukuy Lllamachik shinallatak Kamachiy awllipi tawka wankuri llamkay pushakkunwan shinallatak akllarishka Llata pushak, Kipapushak minkashka ayllukunawan, paykunapurapi Iván Carmigniani runa, Secretario de Comunicación pushayman yaykuk shinallatak Gabriela Sommerfeld, canciller pushanapak shutichishkawan rimanakurka.
Shinallatak Pushak tawka tantarikunawanmi voto electrónico paktarichun kallarichinamanta, willachikkunawan, killkakamakwan shinallatak kay shukniki rimanakuyman willachikkuna yaykunapak arininapi llamkarkakuna.
PV/dg
