Miguel Pesántez, Mamallakta Tantanakuypi llamkachikka Mamallakta Tantanakuy kallari shukniki rimanakuyta kay 17 puncha sasi killa 10h00 pacha tutamanta kay Kamachiy Awllu wasi ukupi paktachunka tukuymi allichishka. Kunanpi llamkakuk ayllukunapak shinallatak Kamachiy Awllipi yanapak ayllukuna llamkanapak llamkaykullkipash iñikushkami kan", nirkami.
Ashtawanka, Kamachi Awllika llakta pushakta llamkay kallariy chaskinapakmi llamkashpa katikun. Nirkapashmi kay raymi paktanapakka tukuy pakta alli kachunka sinchita llamkakunchik chapakkunatapash ishkaypi mirachishkanchik.
Chaskinakuna kallarichishka chusku puncha ukupika, akllarishka 32 kamachi killkakkunami Kamachi Awlli wasiman Mamallakta Tantanakuypak kallari shukniki rimanakuypi paktarinapak pankakunata sakinaman chayamushka.
Kamachi killkakkunaka mutsushka pankakunata chaskina shinalllatak runa unanchata curul antapi killkachina utkashpa paktami kan nirkakuna. Tukuy paktariyka 10 tatkimanta 15 tatkunallami kan.
Mónica Salzar, Los Rios markamanta kamachi killkak, Mamallakta Tantanakuy tukuy mutsushkata sakinaman chayamunapak yachachishkamanta riksirirkami. Kamachi killkakkunaman riksichik killkata willaykunawan chayachishkawan achakata yanaparka, ashtawankarin shuktak markakunamanta chayamukkuna.
BG/pv/cg-k
