Kamachi Awllipi Tukuy llamkachik, Miguel Pesántez nirkami "kamachiypi shinallatak ruraypipash Mamallakta Tantanakuyka kallariy shukniki rimanakuypak paktami kan, chaymantami 17 puncha sasi killapak ñawpanchirka".
Llakta pushak, Daniel Noboa, llamkay kallarichina pachamanta rimashpaka, willaykuna mana tiyashkachu nirka, Mamallata Tantanakuy shina kay ishkay llamkaywan mañashka pachakunapi paktarishumi, nishpaka, mushuk kamachi killkakkuna llamkay kallarinapi shinallatak llakta pushay shuktakyaypipash.
Yuyachirkapashmi kay pachakama 33 kamachi killkakkuna tukuy mutsushka killkata sakikkuna declaración patrimonial juramentada killkata llamkay mushuk pachawan kunanyachinami kan, nishpaka, 17 puncha sasi killa.
Kutinpash nirka llakta pushay mushukyay paktarinapakka Mamallakta Tantanakuy tukuy ruraykunawan paktarinka shinallatak Cancillería, Secretaría de Comunicación shinallatak shuk llakta llamkawasikunawan makipuranka, nirkami.
Pachapuriy
Yuyachirkami kallariy rimanakuypika kari warmi pushakta, kipapushakta shinallatak Consejo de Administración Legislativa wankuripak rimarikkunatami akllankakuna, shinapash wiñaypak hamunchak minkarishkakunaka, Ley Orgánica de la Función Legislativa kamachiy rikuchishkamanta, katik rimanakuypimi paktanka.
RSA/pv/cg-k
