Henry Kronfle Kozhaya, 128 ari apushitaywan, Mamallakta Tantanakuyta pushanapak akllarirka, llamkaytaka sasi killa 2023 watamanta aymuray killa 2025 watakama paktachinka. Llamkaypi kallarichiynata shinallatak iñiytapash Pierina Correa, rimanakuyta pushakukmi chaskirka.
Mañaytaka Vicente Taiano kamachi killkakmi chayachirka, payka Kamachi Awllipi shinallatak Llatapipash llakikuna tawka tiyashkatami yuyachirka, pushanapakka allita paktarishpa shinallatak makipurashpapishmi llamkana mutsurin nirkami. "Kamachi awlli llamkanapakka shuktak ñan mana tiyanchu". Kay mañaytaka Santa Elena markamanta Vera Otto kamachi killkak kimirirka.
Henry Kronfle, Guayaquil llaktamanta 51 watayuk, ingeniero yachak Universidad Miami. Kay Asociación de Industriales Latinoamericanos (AILA) wankurita pushak; Latin América Industrial Association LAIA wankuriyta wiñachik; Federación Nacional de Cámaras de Industrias de Ecuador tantanakuypak shinallatak Cámara de Industrias de Guayaquil wankurita pushakpash.
Shinallatak Congreso Hemisférico de Parlamentarios wankurita pushak kaypika tukuy suyupak kamachi killkakunami. Kamachi Killkak 6 watakuna 2017 - 2021 y 2021 – 2025 yalli. Kay Régimen Económico y de Gobiernos Autónomos, Descentralización, Competencias y Organización del Territorio Minkarishkakunapi llamkarka.
Kasiklla kawsak llaktamanta
Mamallakta Tantanakuy pushanapak kunanlla akllarishka, Henry Kronfle, llamkaypi kallarishka kipaka, kamachi killkakkunata, Ecuador llaktayukta yupaychashka kipaka, llaktay ancha mutsurishkatami riksichirka.
Shuk wiñarik allikak Ecuador llaktata charinapak llamkanata hatunyachirka, kay yuyaykunami Mamallakta Tantanakuypak llakayta achikyachinka. shinallaktak shuk yuyaypaktarik llaktata charinapak, chikan kashkatapash charirash katishpa.
Llakta wiñarishkamanta charishka ashtawan sinchiy llakita chimpapuranapakmi llamkashun; kunanpi kawsay llakichiyta chimpapurashpa; llaktayuk yanaparinapi, charinakunapi shinallatak yachaypipash kullkiwan yanapashpa; llaktamanta hampina yanapayta sinchiyachishpa; kitikunapak shinallatak markakunapakapash mutsushka manukullkita sumaychashpa; yanapanapak wakichishka kullkita kutin kutin lluksichinata puchukashpa; zirma ushayta mushukyachinapak pakta llamkashpa, shuktak ruraykunamantapash, Mamallakta Tantanakuy kashnami nirka.
Ñawinchiymanta rimashpa kaytaka pakta alli sumaychaywanmi pushashun, mana manchashpa mana yanapashpa nirkami.
Kitinpash akllarishka Viviana Veloz kamachi killkak, Santo Domingo de los Tsáchilas markamanta, Revoución Ciudadana wankurimanta, Kamachi Awllipak Shukniki Kipapushayta 99 apushitaywan paktarka. Kamachi killkakka Biodiversidad Minkarishkapimi llamkarka shinallatak Llakta pushak, Guillermo Lasso runata llaktay ñawinchiyman kayachiypi ñawparka, Fiscalización Minkarishkapimi kay mañayka paktarirka.
Rimarishpaka Kamachi killkakka Ecuador llakta mutsushkapi pakta yanapana nirka. "Kay Mamallakta Tantanakuypika Darien llaktata purishpa rikkunamanta nanarinami. Kay wata karway killakama Ecuador llaktamanta 3.455 wawakunami saywa llaktapi hapitukushka. Kay llakikuna shinallatak nanariykunami llaktayta aylluyachina kan", nirkami.
Ishkayniki Kipapushakka Eckenner Recalde kamachi killkak, Pichincha markamanta, Acción Democrática Nacional wankuripi kutin akllarirka. Kamak yachakmi shinallatak shuk iploma superior en Defensoría Pública yachashkata charin. María Fernanda Araujo kamachi killkakmi shutita chayachirka, 130 ari apushitayta paktarka.
CAL Rimarikkuna.
Kay Orgánica de la Función Legislativa Kamachiy rikuchishkata paktashpa, Consejo de Administración Legislativa wankuripak chuskumanta kimsa rimariktami akllarka: Esther Cuesta, Revolución Ciudadana (RC) wankurimanta; Diego Matovelle, Acción Democrática Nacional (ADN) wankurimanta; shinallatak, Jorge Acaiturri, Partido Socialcristiano (PSC) wankurimanta akllarirka. Kimsa niki rimarik akllana washayashpa sakirirka.
Ashtawanka 131 apushitaywanmi Mamallakta Tantanakuypi abogados Alejandro Muñoz shinallatak María Soledad Rocha runakuna Killkakamayuk shinallatak Prosecretario kamachi killkak akllarirka.
Kay rimanakuyta kallaripika Pierina Correa, Revolución Ciudadana wankurimanta kamachi killkakmi pusharka, kay 20 puncha karway killa 2023 watapi llaktayukkuna pushak akllaypi ashtawan apushitayta chaskishkamanta. Kipallamkachik shinaka Adriana García kamachi killkak shinallatak Valentina Centeno kamachi killkakmi killkakamayuk paktarirka.
Carlos Vera, María Fernanda Araujo, Leonardo Berrezueta, Jhon Polanco shinallatak Lucía Posso kamachi killkakkunami, tukuy kari warmi kamachi killkakkunapak iñik pankakuna willaykuna chayachishkata rikunapak minkarirkakuna.
AM-BG/pv/cg-k
Ashtawan shuyukuna
