Kayman 1.500 yalli chayakushka ayllukunawan, paykunapurapi, Colombia llakta pushak, Gustavo Petro; Brasil, Honduras kipapushak; Colombia llakta ñawpa pushak, Andrés Pastrana; mashiyashka llaktakunamanta minkashkakuna; istallakta riksichik; kamachi killkakkuna shinallatak Llakta llamkaywasi pushakkuna, Llakta pushak, Daniel Noboa Azin shinallatak kipapushak, Verónica Abad, Mamallakta Tantanakuypi paykunapak llamkayta, 2023-2025 watakuna paktachinapak chaskirkakuna.
Sumaykachi raymika Mamallaktapak Wiphala yaykushkawan shinallatak Ecuador llaktapak haylli takishkawanmi kallarirka. Chaypachallatak, Mamallakta Tantanakuyta pushak, Henry Kronfle Kozhaya runami Daniel Noboa runaman sillwik unanchata churachirka, shinami llakta pushanata chaskirka.
Henry Kronfle pushakka llaktamanta llakita, llamkay illayta anchuchinapak shinallatak llamkayta wiñachinapak mashkakunchik, nirka. Shinallatak, rimashkawan paktarinata shinallatak rimanakuypash pakta yuyaykunawan, mana kaminakushpaka kanachu, nin.
Mushuk llakta pushak, Daniel Noboa runaka Orden Nacional Al Mérito en el Grado de Gran Collar unanchataka Relaciones Exteriores y Movilidad Humana llaktakamak wasi pushakmi chayachirka, kay unanchaka llaktapi ashtawan hatunkakta riksishkami, Ecuador llakta pushakkunamanmi churachin.
Ashtawanka, shuk Decreto Ejecutivo kamachiyta arinirka, kaywanmi Ecuador llakta pushayta chaskishpa llamkay kallarin, llaktapak mamakamachiypi rikuchishkata paktachishpa.
Unanchata chaskishpaka, Daniel Noboa, Llakta pushakka paypak llamkaypi imashinalla paktarinata, llaktakuna paktachinata shinallatak ruraykuna katinatami riksichirka.
Paypak yuyashkapika Mamallaktaka llakikunatami ashayachinapak mashkakun, shinallatak wiñarinapash kikin kawsayman tikrachun. Llakikunata chimpapuranapakka llamkay illayta ancuchina kashkatami achikllata charini, nirkami. "Llaktaka llamkay charinata mutsun, shinallatak llamkayta wiñachinapakka Mamallakta Tantanakuy kamachiy mushukyachichunmi utkashpa mañayta chayachishun, pakta yuyaywan shinallatak llakta kallaripi kashkawanmi riksina kan", nirkami".
Ashtawanka, wamrarakkuna ima harkariy tiyashkata chimpapuranapak ushay charishkatapash rimarka. Chikanyashpa panta yuyay shillakta panta llaktay illakmi kani nirka. "Ecuador kashnami, wamrarak, kacharishka, tawkapura, llamkay wiñachikmi" kan, nirkami.
Chaymantami, yanapachun shinallatak makipurachunpash kayachirka. "Ñawpaka k'atata charinmi shinapash shamukka wiñaytami mirarin. Mawkayashka llaktayta sakishun shinallatak Ecuador llaktapak hatun llakikunata allichinapak tantarishunchik. Tukuyta llakichikta wakllichiktapash tukuchinapak makipurashpa llamkashun. Shinchi llakina llamkaymi, ashalla punchakunata charinchik. Llamkayta makipurashpa kallarishun", nishpa puchukarka.
Raymika Quito llaktapak hayllita takishpa, Llaktapak wiphala shinallatak pushakkuna llukshishkawanmi puchurkarka.
RSA-AM/pv/cg-k
