Mamallakta Tantanakuyta pushak, Henry Kronfle, fiscal general del Estado tantanakuyta pushak, Diana Salazar, chayamukpi chaskirka, paywanka tawka yuyaykunatami rimankurka, Fiscalía tantanakuy Mamallakta Tantanakuyman kamachiy rurana killkata chayachishka killkakunamanta.
Shinallatak Fiscal kamak kay Mamallakta Tantanakuyman ñawirinaman chayachin kayashkamanta, kaypimi Fiscalía General tantanakuypi taripaykuna paktakushkata willanka shinallatak kaymantami Mamallakta Tantanakuypi yuyarinakushkata ruranaman chayashkakuna.
Chapakkuna shuktakyaypi
Mamallakta Tantanakuyta pushak shinallatak Fiscal General del Estado pushak chaypi kashkawanmi, Mamallakta Tantanakuy ukupi chapakkuna shuktakyay raymi kay Mamallakta Tantanakuypak Juan Montalvo pampapi paktarika.
Kay Raymipika, pushak Henry Kronfle runaka, Fiscalía General del Estado tantanakuy Policía Nacional tantanakuywan Ecuador llaktapi ayllukunata ukllanapak llamkashkatami rimarirka. "Paykunapak llamkayka kasiklla kawsayta tikrachinapak munaymi shinallatak achiklla willaytami chayachin: Kunkayka mana kutichiy kanchu", nirkami.
Ashtawanka kay mushuk Mamallakta Tantanakuyka Fiscalía tantanakuywan makipurashpa llamkashpa katinka, kayshina llakta pakta kamay charina mutsushkata paktanapak, ñankunapi llakichiyta wiñachikkunata tukuy wanachichun.
Shuktakpika, Escolta Legislativa wankuriyta pushak, Francisco Zumárraga chapakkuna pakta llamkashkatami rimarirka shinallatak Mamallakta Tantanakuypi tiyashkata ukllashpa chaparakushkatapash rimarirka.
CV/pv/cg-k
