Kay 5 puncha karwal killa 2024 watamanta, llaktayukkuna kamachiy ruranapak killkakunata riksinaman hawalla yaykuy ushan, kay mushuk killkapankami Mamallakta Tantanakuypak llikapi, "legislamos" tinkichikpi yaykuy ushan, kay llikatinkik: https://proyectosdeley.asambleanacional.gob.ec/report
Kay llikapankaka kamachi killkakkunapak llamkaytami ashtawan alli hawalla akllanapak rikunapakpash churashka kan, kayshina llaktayukpak llakikunapi yanapankapak, kamachiykunata kasiklla kawsanapak, llamkaywiñachinapak, kullki llamkaypak, ayllukuna kasiklla kawsanapak, llaktakunapak hañita paktachinapakapash.
Kay mushuk llikapankawanka kamachiy ruranapak chayachishka killka imashinalla paktarishkatami rikuy usharinka, shukniki shinallatak ishkayniki rimanakuypak llamkaywillay, ashalla rurashka llamkaywillay, allichinaman tikrachishka, tukuy allichinaman kachashka shinallatak mamakamachiywan waktarishkapash, riksinallapak llamkaywillay, puchukay killka, Kamachi kipupi willachishkam, shuktak rikuykunpash.
Kay mushuk 2.0 llikapankapika kamachiy rurana tukuy killkatami kay 05 puncha karwak killa 2024 watamanta chayachishkata shinallatak kamachiy paktarinkama paktarishkata willanka.
Llaktayukpash, kay llikatinkimanta ñawpa killkakunaman yaykuy ushanmi, kaypika 04 puncha karwal killa 2024 watakama chayachishka killka tiyakun, kaymanmi tukuy killkakunata riksinapak churashka kan, shinallatak kamachiy ruray katikushkata rikuchinapak chaypi kan.
