Kay Biodiversidad y Recursos Naturales Minkarishka, Guido Vargas pushakushka, Cámara de Minería del Ecuador tantanakuy pushakkunata chaskirka, paykunaka Ley de Mineria kamachiy mushukyachinapak yuyaykunata chayachirka, ishkayniki rimanakunapak llamkaywillay allichiiypi.
Kay rikuypika, María Eulalia Silva, kay Cámara de Minería tantanakuyta pushak, kay kamachiy mushukyachina killkata paktami rimanakuna nin, ashtawankarin, riksinakunapi. Chukita achka achka llamkanapak shinallatak llamkaywasikuna paktarinapakka 2019 watami kallarirka shinallatak llaktapak llamkaykullkipimi yanapay rikurirka, istallaktamana mintalashka 3.300 hunu dólar kullkimi yaykurka.
Kay llamkaywanka Zamora Chinchipe llaktami kullkillamkaypi sinchiyashka, kay markapimi chuki llukshichina ishkay hatun llamkay tiyan, shukka, Fruta del Norte. Nirkapashmi, kunanpika, Yantzaza shinallatak El Pangui kitikinapi llamkakuna ashtawan alli killakullkita chaskinkuna, chuki llukshichina llamkaymanta.
Chashnallataka, nirkami kay Zamora Chinchipie llaktaka mamallaktaman kullki chayachinapika chuskunikipimi kan, manu kullkimanta, chuki llukshichina llamkaymanta. Shinallatak, María Eulalia Silva nirkami kay Cámara de Minería tantanakuy shinallatak yachak llamkakkunapash kay kamachiy rurana killkata paktami rikushkanchik.
Paymantaka, kay Comité Legal de la Cámara tantanakuymanta, Andrés Icaza runaka kay kamachiy allichinapak tawka yuyaykunatami chayachirka, ashtawankarin catastro minuro paktarinamanta shinalaltak imashinalla ruraykunata pushanamanta, kay Ecuador llaktapi chuki llukshichina wichkarishkapi rikunapak.
EG/am/cg-k
