Mamallakta Tantanakuy, kay chillay 11 puncha kuski killka, Día Nacional de la República punchata unancharka, Shukniki Mamakamachiy killkashkata yuyarishka, shinami Ecuador llaktaka kikinmanta kawsay kallarirka, 1830 wata. Kay llamkayka Unidad Educativa Pedro Vicente Maldonado Riobamba kiti, Chimborazo markapimi paktarirka, shinallatak kay rimanakuymanta Kamachiy Awllita pushak, Henry Kronfle Kozhaya; kamachi killkakkuna, llaktapi pushakkuna, awkakuna, kushipatakuna, shinallatak llakta pushakkunapash chaypi karka.
Rimanakuy llamkayka Llaktapak wiphala yaykushkawan kallarirka, Kamachiy Awllipak Chapakkuna aparka, chaypikak ayllukunaka Ecuador llaktapak Hayllita takirkakuna. Chay kipallatak, Chimborazo markamanta kimsa kamachi killkakkunami kay puncha imamanta yuyarina kashkata rimarkakuna.
Patricia Núñez kamachi killkakka, 11 punchakuski killa 1830 wata kay llaktata kallarichinapak pakta llamkaykuna atirikuna tiyashkatami yuyachishpa rimarka, shinallatak Mamakamachiypi churashka hayñikunata shinallatak ukllaykunatapash sumaychana kashkatami rimarka.
Paymantaka, Juan Carlos Rosero runaka kayshina hatun raymiman mamallatamanta tukuy ayllukunami chayamun nirka, llaktay wiphala illaklla, ashtawanpash Ecuador llakta wiñarinapak sinchita llamkakkunata atirikkunata yuyarinaman chayamunkuna nirka. Kallaripi killkashka Mamakamachiyka primicias de Riobamba paktariymi kan, nirkami.
Shinallatak, Carmen Tiupul kamachi killkakka Shukniki Mamakamachiyta allichinapak sinchiy harkaykunata yallishkamantami rimarka. "Kikinkashkata riksinami mutsurin, kiti ayllukunapak chawpipipash, shinallatak runa ayllukunapurapipash chashnallatak 194 watakuna kipa tantachik Ecuador llaktata wiñachishpa katinami kan", nirkami.
Chaykipallatakmi "Día Nacional de la República" shuk kuyurikshuyuta rikurirkakuna, chaykipallatakmi mushuk yuyayta mashkakkunaman, llaktata yanapakkkunaman yuyarinakushka killkata unanchakunatapash kararka, kay ayllukunaka Riobamba kiti, Chimborazo marka shinallatak mamallaktapash wiñarinapimi pakta yanaparishkakuna.
John Vinueza, Riobamba kiti pushak, rimashpaka nirkami, kay 11 puncha kuski killaka Ecuador llakta wacharishka punchami shinallatak tukuy watapaktayshinallatak, kushiyana punchami. Kishpirinapak imalla llamkaykuna tiyashkatami shukyanchishpa, kay Riobamba llaktapi Congreso Constituyente, 1830 wataman chayashkata willarka, kiti pushakka Mamallakta Tantanakuypak wiphalatami unancharka.
Rimarishpaka, Henry Kronfle Kozhaya kay Ecuador mamallaktaka kikin ayllukuna chaparakpimi sinchiyan. "Kaypimi, Riobamba kitipi, Mamallakta wacharirka; llaktayukkuna chaypikanapak kay kitimi unancha kan; ñukanchik llaktapak hatun unanchakunatami riksichin, kayshina yuyaymanta mana kushiyanapakllachu ashtawanpash llaktayuk pakta chayanata rikuchik kallarichikmi kan", nirkami.
Llamkayrimanakuyka Riobamba kitipak hayllita takishpami puchukarka shinallatak kipaka Mamallaktapak wiphala shinallatak pushakkunapash llukshirka.
EG/am/cg-k
Ashtawana shuyukuna:
