Kay kullka punchami Kamachi Awllipak chapakkuna shuktakyay raymi kay "Juan Montalvo" pampapi paktarka, kay raymimanka Mamallakta Tantanakuyta pushak, Henry Kronfle, chapak pushakkuna, chapakkuna, kamachiy awllipi chapakkuna, kamachiy awllipi llamkakkuna, shinallatak kayashka ayllukunapash chayamurka.
Kunanpi chapakkuna shinallak chapayman chayamukkuna yaykushkawanmi, Policía Nacional tantanakuypi atirik runakunata shuk tatki upallaywan yuyarirkakuna.
Rimarishpaka, Mamallakta Tantanakuyta pushak, Henry Kronfle runaka Ecuador llakta kasiklla kawsachun shinallatak llakichikta chimpapuraypi llamkashkamanta kay Policía Nacional tantanakuyta shinallatak Grupo de Intervención y Rescate (GIR) wankuriytapash shunkumanta yupaycharka shinallatak riksirirkapash. "Kikinkuna, punchantami llakichikta chimpapurashpa sinchita llamkankichik, munashka kasiklla kawsayta mashkayta chapakkunami kankichik" nirka.
Nirkami kayshina llamkayka llaktayukkuna kasiklla kawsanapi shinallatak llakichikta pakta chimpapuranapimi paktarin. "Llaktayuk kasiklla kawsayka kunanmi ñawpatapash yallishpa llaktapak llamkaywasikuna shinallatak Ecuador ayllukunapash mutsun", nirkami.
Llaktapak llamkaywasi pushakkunata tukuylla llaktayukkunawan makipurashpa llamkanapak kayachirka, shinami llaktapi ayllukunapura kawsashun, llakichiyta anchuchishun shinallatak llaktakunapak ñankunapipash kasiklla kasayman tikrashun nirkami.
GU/am/cg-k
Ashtawan shuyukunas:
