Mamallakta Tantanakuypimi sinchi llamkayta, tukuywan paktarishkata, munaywan chayashkatapash Ecuador llakta pukllak ayllukunata riksirirkakuna, paykunaka Juegos Olímpicos París 2024 hatun pukllaymanmi chayashpa misharkakuna.
Mamallakta Tantanakuyka tukuy pukllakkuna unanchata nakashpaka killkapankata hatun pukllaypi chaskikkunata kayachirka. Mamallakta Tantanakuyta pushak, Henry Kronfle runa kamachi killkakkunawanmi chayamuk pukllak ayllukunata kushiyashpa makipi waktarkakuna: Daniel Pintado; Glenda Morejón runapak rantika paypak ñaña Katherine Morejón chaskirka; María José Palacios; shinallatak, Gerlon Congo runakunami riksiriskakuna karka.
Pukllakkunaka Dra. Matilde Hidalgo shinallatak Dr. Vicente Rocafuerte pukllaymanta unanchatami chaskirkakuna, paykunapak sinchi llamkaywan mishaykunapi paktarishkataka llaktapash wiñaytami yuyarinka mana kunkankapash.
Pukllakkunapak shutipi, Daniel Pintado, París llaktapi ishkay unanchata chaskik, kayshina riksirishkawanka katik wamrakunatami kayshina llamkayman kayachin munachinpash shinallatak Ecuador llaktapak shutita hatunyachichun ashtawan llamkashpa katichun kayachin, nirka.
Mamallakta Tantanakuyman chayamunapak ñawpa shuktak llamkaypi paktarinapak arinikkunami kayman mana shamurka, markakunapak Casas Legislativas wasipimi unanchashka kankakuna.
CV/am/cg-k
Ashtawan shuyukuna:
