84 ari apushitaywanmi, Mamallakta Tantanakuyka Mariana Yumbay kamachi killkak mañashkata arinirka, kay mañaypika Llakta pushaktami Bolivar markata kasiklla kawsanata rikuna charikwan shinallatak Ministerio de Economía y Finanzas llamkay wasitapash kullki pakta chayachichun mañan, kaypika paykuna ruranapi paktarinapak ushay charishkata katishpami tukuy ruraykunawan chayanapak mañaywan kayachin.
Kay yuyarinakushka killkawanka hampinapi; ruraykunapi; mintalanapi; llamkaykuna paktanapi; ñankuna allichinapi; shinallatak, yachaypipash utkashpa yanapay chayachichunmi mañan.
Mariana Yumbay kamachi killkakka Bolivar markata yanapaymi llakta pushakkunamanta kunkashka rikurin, tukuy ruraykunapi. Kay markapika ishkay watayukmanta uriman wawakunami achka irkiyashka kawsakun, shuktak ruryaykunapash, llakichiypashmi mirashka nin.
Paypak manyamantaka, Juan Carlos Camacho kamachi killkakka ñankuna, wawakuna irkiyay shinallatak upyanapak yakupash imashina kashkatami riksichirka, chaymantami mañashkaman kimirin.
Ñankunapika, Ministerio de Transportes y Obras Publicas llamkaywasitami Guaranda kitita muyuk ñanta utkashpa llamkachun; Tambám kuskapi ñan suchurikushkata allichichun; Ambato-Guaranda-Babahoyo ñanta chusku wachuyukta rurachun; Bolivar marka pushak ñankunata allichinapak llamkaykullki mañashkata chayachichun, kaypika USD 18.737.129,72 kullkiman yallishkata chayachichun; Echeandía kitipi shuk harkak pirkata ruranapak; Caluman kiti ñanta aslfalto k´ata churanapak; Unidad Educativa de Milenio en Chillanes wasi rurayta tukuchichun; San Luis de Pambil kitilli Guaranda kitipi chakata rurachun, kasiklla kawsanapak , alli purinapak, llaktayukkuna kuyurinapakapash yanapayta chayachichunmi kayachin.
Asimismo, mediante la resolución, se delega a la Comisión de Participación Ciudadana el seguimiento de lo aprobado y que en el plazo de 90 días presente el informe correspondiente.
AM/cg-k
Ashtawan shuyukuna:
