Kay hunkaypika, Mamallakta Tantanakuypak Coordinación General de Participación Ciudadana wankurimanta yachaka yanapaywanmi, Biodiversidad y Recursos Naturales Minkarishkakunaka kay Ley Minera kamachiyta mushukyachik kamachiyta shinallatak; Ley Orgánica Intercultural del Uso, Gestión y Protección de los Recursos Hídricos kamachiy rurana killkata llaktayukman riksichish llamkashpa shinallatak yuyaykunata chaskishpa tawka llaktakunapi llamkarka.
Kay llamkayka 29 puncha sitwa killami kallarirka shinallatak kunankamaka sukta tantanakuytami charishkakuna kay Napo, Pastaza, Tungurahua, El Oro, Azuay shinallatak Cañar markakunapi, kaymanka runa llaktakuna, llaktakuna, llaktamarkakuna, afroecuatoriano llaktakuna shinallatak yunka llakta ayllukunapash chayamurkakuna.
shamuk pachakunapika, 24 markakunaman chayashpa llamkankakuna shinami 24 puncha kuski killakama llamkanapak churashka rikurin. Kay llamkaypi tantanchishka yuyaykunami kamachiyrurana ñawpataripay paktarinapak taripayman chayanka.
kay Ley Orgánica de la Función Legislativa kamachiy rikuchishkata katishpa, kamachiyrurana ñawpataripayka kachiykunata ruranapak yuyaypaktarinaman chayanapimi yanapanka.
