Kay Ley Orgánica de la Policía Nacional kamachiy ruranapak killka allichinakuypi, Laboral Minkarishkakunaka subsecretaria del Ministerio de Trabajo, María Gabriela Pico runata chaskirka, payka kay supletorio shinallatak compensatorio llamkay paktachik hayñikunamanta, kullki chaskina patamanta, chapakkunapak mikunamanta shinallatak purinapak chanimantapash yuyaykunata riksichirka,
Kay subsecretaria warmika kamachiy paktachinapika kay "régimen laboral supletorio" shutita charichun mañarka; shihallatak kay Ley Orgánica del Servicio Público kamachiywan paktarishpa compensación anual killkata chimpanchina nirka; shinallatak, Ministerio de Trabajo llamkaywasi kay Policía Nacional tantanakuywan mashna chani paktanamanta shinallatak kimichina chanimantapash yuyaypaktarina nirka.
Chapakkuna chaninamanta, kamachiy rurana killkapika pichka watata paktashpa killa kullkita mirachina nin, shinapash llakta kullkillamkaypi paktarikushkata riksishpa chaskina kullki wichiyanata mana chashna sakina kan, chaypakka Ministerio de Finanzas llamkaywasimanta shuk kullkita riksichik llamkaywillayta charina mutsurin, nirka.
Shinallatak mikunapakpash shuk riksichik llamkaywillaymi tiyana kan, shinallatak purinapak chayachina kullkitapash riksinapak, kaypika llamkaykullkita pushakmi rikunata charin, kay Ministerio de Trabajo tantanakuymi.
Kay kamachiy rurarikuk killkata allichikuk kamachi killkakuna, Laboral Minkarishkata pushak, Johnny Terán runaka yanapak ayllukuna kayshina yuyaypi llamkanapak tukuy rimanaman chayakta chaskipaka allichinaman kayachirka.
AM/cg-k
Ashtawan shuyukuna:
